【机场特警】杨明遭棍伤头　爆南亚演员打到失控：真系嬲

杨明今日（26/4）出席在将军澳举行的无线剧集《机场特警》之“Mission Completed”宣传造势活动。讲起剧集，作为机场特警的杨明，在戏内有不少打斗场面，有时候难免都会受伤，“有幕讲我同一大班南亚裔人士发生打斗，喺拍之前动作指导已经同我哋排好晒点打，仲叫𠮶两位南亚裔演员向我左右两边挥棍，每人各打三下，之后我会用脚伸开佢哋。”

杨明续说：“点知到真正埋位嘅时候，其中一个人唔知系咪打得兴起，打多咗一下，兜头打咗落我个额头中间位置，𠮶一刻我个头好痛，平时都会就力打，但个一刻真系嬲，变咗真踢开佢，佢跌咗落楼梯底，事后个演员同我讲唔好意思，但我都有同佢讲唔好意思，我真系好痛，其实𠮶场戏都拍得几真，所以观众到时可以留意下呢场戏。”