【瞩目配角】罗乐林27岁做第一代杨过：拍完剧第二日就执笠

罗乐林在电视圈纵横45年，老土点说，已经看破一切。经历过男主角的年代，佳视结业，徬徨之下加入丽的（亚视），辗转再去到TVB，一直去到现在。历尽艰辛，好多东西都已看透，罗乐林坦言接受比难受更多。

接受人生无常

回想当年佳视结业，罗乐林也是年轻时，突然“被”失去工作当然义愤填膺，甚至试过上街游行，他说：“入咗呢行咁耐，我经历咗好多嘢，当年佳视结业，我哋去游行过，喺执𠮶个过程想攞返合约入面（待遇），但其实系攞唔到。我觉得人生好多嘢你系估唔到，我又好接受现实，所以我觉得冇问题，当然好多嘢我见到系唔开心，希望唔好再发生。”

突然失去工作，甚至是听到电台才得知消息每个人都会感到徬徨，罗乐林也不是大富之后，当然会为前途感到忧虑。“有好多人想帮我哋攞返啲应得嘅嘢，唔知点解攞唔到。都有去游行，希望帮到员工，例如签咗合约突破冇咗，合约里面嘅赔偿系咪应该有呢？我印象到而家都系乜都冇。系徬徨架，唔系炒鱿，系突然冇咗份工，㖊晚仲开紧工拍紧剧，突然就话成间公司冇咗，徬徨㗎!”这件事件罗乐林对人生又有新体会，老土讲句世事无常，幸好很快便有丽的向他招手，继续他的演艺事业。

接受自己定位

TVB近年一直被指待薄员工，甚至有前老前辈力证，罗乐林却接受一切，反而令他为人更开心。“公司有公司做法，而家每间公司有佢做嘢原则，公司赚钱时可能松动啲，艰难时佢另外公司有制度我哋又唔知，我觉得我哋做好自己本分。当然老人家咁多年，为社会付出咁多，希望整个社会都公平啲对佢哋。公司都系咁，员工为公司付出咁多，亦好勤力为公司做咗咁多嘢，希望相对会好啲。”罗乐林虽然也希望公司会有更好的待遇给员工，但他也知道做好自己本分更重要，最紧要是你享受演戏，不要令自己太多介怀，他说：“后生紧系做小生，紧系另一个情况，中年做中生，老年做老生，一定要接受呢样嘢，我又唔觉得我做老生有问题，演好自己本身个角色就得，当然你要享受你工作先得，如果你成日计以前做小生而家做老生，会唔会开心？我从来冇呢样嘢，我系好接受呢样嘢，咩年纪做咩嘢。”

接受时代变迁

还有一项接受，接受年代的变迁，经历过三间电视台的洗礼，见证香港电视业的辉煌盛世，去到现在收视下跌，罗乐林很明白当中道理。“而家一定唔会返屋企就追剧。我哋年代唔同，今日唔睇，过咗就过咗，冇得睇。而家唔同喇个年代，你要接受同明白，系咁喇，香港情况唔同第二个国家或者中国入面一个省几十个电视台，大家会争个Rating，而家冇喇香港，大家返到屋企钟意睇咪睇。（冇对手？）可以咁讲，而家香港得一两间电视台，几多年前有佳视，有三间都话收益、广告支持唔到，所以香港相对嚟讲市场系好窄，一窄嘅幕前幕后出路都相对少咗，咁冇竞争变咗大家个收入各方面都会少。”其实做电视的人，很多都明白这个道理，大家都希望百花齐放，希望香港人支持本土影业，希望投资方、广告商继续支持，但现实环境又令你不得不妥协，但与其难受过生活，倒不如选择接受，看开一点。