【打天下】林泳淘ViuTV剧首亮相　演追梦少女：同TVB节奏好唔同！

林泳淘（Wingto）去年九月疑就《反修例》运动发言而被无线解约，11月《打天下》的监制兼主演欧锦棠（棠哥）就在个人社交媒体上载一张与林泳淘的合照，宣布泳淘有份参演ViuTV新剧《打天下》，并写道：“《打天下》刚阳味重，要有啲柔情沟返匀㗎。”而在周一（13日）的首播集片尾，观众亦发现了泳淘的踪影。

林泳淘在接受访问时谈到自己这次在《打天下》中演出是受棠哥邀请：“我非常多谢佢畀咗个好好玩嘅角色我。”至于角色，她说：“我个角色叫悠雅，佢系一个好有梦想嘅女仔，误打误撞之下认识到马刚正（欧锦棠饰）、庄惠（谈善言饰）同善善（王颂茵饰），之后受佢哋帮助踏上追逐梦想嘅旅途。（同边个最多对手戏？）作为一位被养嘅角色，我非常称职地依附住庄惠同善善。”林泳淘又表示想做打女打埋一份：“一路以嚟都好想尝试下打女嘅滋味，希望下次有机会的话可以有份打。”现在是自由身，对所有合作都持开放态度：“我觉得遇啱公司，大家合作得愉快，系唔系自由身都冇乜问题。”

林泳淘曾经在无线累积不少演出经验，她在《大帅哥》中饰演日本人玲木爱美获得不少观众赞好；今次《打天下》与ViuTV合作，问到两者在拍剧上有什么不同，她说：“其实非常唔同，一嚟节奏唔一样，其次系ViuTV普遍都系外判，所以每次都同唔同人合作，再睇返大家嘅节奏系点；今次《打天下》系个好开心嘅团队，基本上冇乜压力，虽然拍得好快，但前期都会好认真睇你啲戏，再畀返意见，所以对我呢啲演戏新手嚟讲好学到嘢，非常之感恩。”

林泳淘近日开始经营自己的YouTube频道，一星期内已获得三万九千观众订阅，影片一周观看次数已逾20万，对于这个好成绩，她说：“其实真系非常非常非常之感恩，某程度上而家先开始嘅其中一个原因，都系希望系冇Expect嘅情况下，以最轻松嘅心态去做，所以完全冇预过结果会系点，真系好感激大家，亦都好感谢帮我手嘅朋友。”至于接下来制作影片的方向，她就说以开心为主：“自己玩得开心，亦希望睇嘅人都开心。”至于达到一定观看次数会否派福利，泳淘亦笑说会考虑。