《巨声》陈康健月薪3000死挨　做艺员博曝光：完全生活唔到！

除了坤哥可以去红馆个唱，有唱片出又拍剧做男二，而许廷铿亦叫红歌红人，但其余《超级巨声》出身的，大部份都只在娱圈浮沉。如曾经是第一代巨声帮的队长刘威煌要卖珍珠奶茶，虽然出碟无期，但总算是老板，闻说月入8万，无歌唱但有银纸，心理自然较易平衡。

但同属第一代《巨声》的陈康健，生活就艰苦很多，当日参赛有港版曹格之称，但在无线挨足7年，每月只得3千蚊，他说：“我系part time艺员，收入好唔稳定，平均….我谂得3千几蚊到，计晒在无线所有收入啦，系完全生活唔到。所以都要教人唱歌帮补下，黑妹(李丽霞)都有揾我教唱歌，讲紧都系几百蚊一堂啫，今日唔知听日事，连买份保险都谂过，究竟自己供唔供到？就算做全职艺员都系得万几蚊，但不停开工令你无时间做其他副业帮补。有时自己家用俾得少，都有啲唔好意思，但妈咪同家姐都冇咩嘢。我谂佢哋都明白。”

死挨博曝光

一个月3千元，随便找一份part time 都多过这数字，那为何陈康健要继续呢？他说：“好难去拿捏，始终咁多年，因为你唔知几时会有个机会，因为无线始终系唯一平台，我唔系最钟意做戏，但最钟意唱歌，坦白讲喺公司都无咩机会可以畀我，坚持喺呢到做艺员，其中一个原因系希望借曝光率，等人知我系边个，再希望畀佢哋知道我系唱歌。”

入行七年，陈康健坦言有高高低低，他说：“我谂高就系《实习天使》、《老表你好hea》，真系叫做有少少戏做，低潮我谂系初头入剧组，第一套拍《潜行狙击》做古惑仔，之后7、8套剧都系做古惑仔，我就谂自己会唔会成世都系做呢啲角色？𠮶阵又唔系咁钟意做戏，有啲气馁，那时《巨声》气势未咁淡，总觉得自己是歌手，但依家就淡哂啦，庆幸自己仲系公司，但依家又会谂，可能自己当时做古惑仔好，先多人揾啫，心态系成熟咗。”

单亲家庭攞综援

TVB收入少得可怜，但好在有歌唱老师这份副业，令陈康健最高试过约有2万元收入，最紧要他态度亦积极，可能跟他童年有关：“细个仲惨啦，自己单亲家庭，同埋家姐、妈咪一齐住，都攞过综援㗎，不过啲舅父好锡我哋，爸爸今年7月就过咗身，我同佢好耐无见㗎喇，好细个佢就同我哋分开咗，有次听返佢依家嘅老婆讲，话老豆都好proud of 自己个仔拍电视同唱歌。我记得有次爸爸陪我出电话咭，之后我畀低咗电话号码佢，叫佢得闲揾我啦，但就无揾几年啦，到再揾返𠮶阵，佢身体就已经唔系太好。”

有女友不用做兵

坤哥、胡鸿钧和许廷铿等开个唱又出碟，陈康健反而没有多想，他说：“眼红人，不如谂下点做好自己啦，有时要观众接受你，未必你真系要唱成点，可能真系要有一个机会入屋，我等紧啰，但唔系要自己做到咩位，唱几多唱片或开几多场演唱会，反而好想人知道我唔止钟意唱歌，而系好对音乐好热爱，我会研究点唱歌，你遇啱同道人，人哋真系知㗎，唔系剩系讲我好钟意唱歌咁简单。”

有人觉得陈康健似兵仔，但现实中他原来有女友，亦自知应该行肥仔路线，他说：“有一轮唔知系咪兴大只，公司所有男艺员，全部都有40吋胸肌，8旧腹肌，我就谂其实我都几特别㖞，自己得个肚腩，我都系走得意肥仔路线啦，我冇谂过自己靓仔啲会点样㖞？我呢啲样有呢啲位去做戏，有啲角色靓仔一定做唔到，不过我就一定唔系兵，我有女朋友㗎，佢系全世界最识欣赏我嘅人。”