【去甲醛工人】绿叶王游飚转行　唔恨返无线：自己都养唔掂点做？

不少人对于世豪及邵卓尧对当演员那份热血非常尊敬，在《仍坚持》MV中正职系去甲醛工人的游飚，原来亦在无线做了21年，反而觉得现实最重要，他说：“热血唔驶食饭呀？我都好热血㗎，成千度呀，我对演戏好有热诚，我系一个演员，都系一个人，人需要食饭，但现实系电视台𠮶份收入，唔好话养家人呀，你连自己都养唔掂，咁点做啫?”

游飚15岁由临时演员开始入行，21岁入艺员训练班，同期有赵学而、祝文君。游飚坦言没有想过做上位小生，只是想当一个平凡演员，他说：“做人要有自知之明，你又唔系靓仔有型，边有可能做小生呀，当初入去只系想有份稳定工作，可以成立一个小家庭就好喇，原来唔可以，我后生𠮶阵，见到TVB不少40几岁嘅前辈演员开始消失，我就开始谂，如果到我40岁，又被公司裁走，咁我或者我家人靠咩生活呢？跟住就开始做去甲醛呢个行业。”

在无线21年，游飚觉得电视台艺员人工偏低，对这个专业不尊重，他说：“你以为萤幕前做戏讲句对白易呀？唔易㗎！点解咁专业嘅工作，人工可以咁低？喺无线21年，临走人工系$10500，当时邵氏𠮶保安都$10700个月啦，我过去港视，公司有留我，加我300蚊人工，好高㗎喇，平时𠮶啲加50蚊，我加多咗6倍㖞！真系感动到想跪喺到装香。试过倾合约，有人同我讲，‘游飚你唔好咁多要求啦，有好多人只要我哋肯签佢，唔驶出粮都得呀。’即系TVB唔需要你识演戏，但需要你唔驶出粮，佢哋都好建议你哋出去做下兼职揸下的士。”

对于旧公司好似好有怨气，但游飚强调自己不是闹TVB，他说:“千万唔好写游飚大闹TVB，话TVB无良，错，因为呢个系商业社会，人哋无用支枪指住你签约架，你情我愿架，如果咁嘅人工同待遇你都肯做，呢个系你问题，我哋不应埋怨，虽然有时佢哋讲嘢好难听，但你可以唔做架。”

好多人会埋怨一直有在电视台没有机会，但游飚非常埋性，觉得每个人要为自己负责，他说：“有冇位上，红唔红？首先你要问自己，你啲戏系咪好好先？你识唔识人际关系？唔红系自己问题，千万唔好怨人，人哋见高拜，见低踩，我就掉翻转，咁你话我呢啲人系电视台有咩前途呢?？离开无线唔驶惊㖞，任何一个人离开TVB都一定揾到食，当日我去港视我就冇谂过返转头，你冇听过传闻咩?你返转头就系你以前嘅人工嘅一半或者2/3，咁你系我返唔返?”

不少人充满热血入电视台追梦，但游飚就提醒大家要订下时间表，他说:“唔系话热血唔好，但要俾自己一个时间，一个非常廉价的价钱去出卖自己宝贵嘅青春，你必须考虑清楚，到底自己能唔能够去做到一番成绩，必须要俾自己一个时间，唔好盲目做到三、四十岁而无路可行，系呢行唔成功，唔红，记住最大责任系你自己，绝对唔好懒公司，做唔到就要走喇。唔好仲喺到卖青春喇。”