【全民造星II】监制花姐盘点决赛心水人选 有参赛者媲美张国荣？
ViuTV年度大型选秀节目《全民造星II》将在明天（15日）举行总决赛，监制花姐（黄慧君）谈到对比起去年没有那么紧张，大概是因为身份从监制变成了经理人。对于参赛者们在比赛后的去向，花姐说未必是加入现存队伍MIRROR或ERROR，她保持神秘说：“花姐谂嘅嘢，未必系你哋谂嘅嘢嚟嘅；我想迟啲先话畀大家听，下年就会知。”花姐又谈到节目宗旨：“既然我搞得呢个比赛，就唔希望浪费呢班年青人，希望把握呢个机会畀佢哋发挥潜质、用唔同嘅方法达成佢哋嘅梦想。”
《01最赏睇娱乐大奖》即日起至12月24日接受投票喇，仲可以参加劲抽双重奖，随时赢旗舰手机11 Pro Max、Dyson风筒、01积分等，总值超过70万元！
《全民造星II》总决赛的其中一位评判是英皇艺人管理部总监霍汶希（Mani），问到英皇会否是其中一条路径，花姐说：“ViuTV唔会用到咁多人，我哋系以演员同主持人为主，有啲有潜质嘅人又签唔到；所以可以同其他公司合作，畀更多机会参赛者之余，其他公司睇中都可以签。”问到是次合作会否对两间公司而言是一个里程碑，花姐说：“ViuTV一直都冇分你我，冇话唔会上友台节目、或者唔欢迎友台嘅艺人，音乐节目亦都会播友台艺人嘅歌，其实系咁样呢个圈先会好。”
花姐坦言现在已经有几位心水参赛者：“其实我好钟意Oscar（李祉均），我觉得近年香港冇呢种艺人，计张国荣同梅艳芳之后咁长时间都再冇呢种咁有魅力、咁有舞台感嘅艺人，佢系一个好吸引人嘅人，我好想佢听日有好嘅表现。”花姐又提出一个隐忧：“佢唱歌系令人毛管戙，我寻日睇佢彩排又见到佢有进步，希望佢听日畀到惊喜观众。”花姐提到另一个令她惊喜的参赛者：“JJ（范卓言）唱歌真系好好，希望啲评判会钟意佢。” 花姐又觉得Hugo（丘凯雄）是个很有吸引力的人：“其实我有意将佢纳入我嘅Artist Management，第日同ERROR做《Hugo ERROR游》，我好想同佢合作。”
今届好多靓仔：