【全民造星II】总决赛如箭在弦　MIRROR最想招揽呢3位加入组合？

ViuTV年度大型选秀节目《全民造星II》将在明天（15日）举行总决赛，作为师兄的MIRROR就给予十强一些贴士，队长Lokman说：“平常心真系好紧要，我觉得去到十强大家都有力量去争夺冠军，所以唔好去谂名次，而系谂点样去散发魅力。”他续言：“胜负唔系喺个台到，而系要望远啲，后面条路仲有好长。”Anson Kong提示说：“今晚真系要好好休息，养精蓄锐听日就会有好表现。”Ian说：“比赛前唔好食辣。”姜涛贯彻爱美的风格：“今晚唔好食碳水化合物、高盐份嘅嘢，如果唔系听日会水肿。”

圣诞就到，准备好礼物未？投【01最赏睇娱乐大奖】，有大把礼物抽㖞！超过70万元丰富奖品，包括旗舰手机11 Pro Max、Dyson风筒，仲可以有01积分换唔同礼品！

谈到本季《全民造星》 的参赛者们日后有机会加入MIRROR，问到他们最想招揽哪一位十强参赛者， 队长Lokman说：“我拣JJ（范卓言），佢又跳得又唱得，两个分数都攞得到，投票又应该唔会太差，所以睇好佢。”Anson Kong说：“我觉得Phoebus（吴启洋）都好适合，佢无论系外貌唱歌跳舞综合实力都好偶像，系比较适合加入MIRROR。”上届冠军姜涛就看好Oscar（李祉均）：“Oscar嘅表演通常都好有艺术性，所以好期待佢嘅舞台。”Ian认同道：“Oscar嘅表演真系好好睇，好吸引人一直望住佢，可能简简单单一个举手已经几好睇。”

近日“叱咤乐坛我最喜爱的歌曲最后10强”结果出炉，MIRROR的《Reflection》、姜涛的《一号种籽》、Ian陈卓贤的《另一个诺贝尔》均有入围，胜算颇大，Ian说：“如果三首歌拣一只当然系《Reflection》，因为MIRROR系一个团队，冇乜个人主义，所以唔会话希望个人单曲可以攞奖，都系团队行先，12个人嘅力量加埋，齐心嘅机会大啲。”《Reflection》对MIRROR亦别具意义，算是出道一年的一个小总结。

点击睇MIRROR嘅靓相：