【全民造星II】MC得亚军 向过身爸爸分享喜悦：佢一定收到！
撰文： 陈芷颖
出版：更新：
娱乐圈年度“最Sweet新闻”名单有喇！即到《01最赏睇娱乐大奖》投票，仲可以参加劲抽双重奖，随时赢得终极大奖旗舰手机11 Pro Max、Dyson风筒等。
ViuTV大型选秀节目《全民造星II》于今晚（15/12）在将军澳邵氏影城举行总决赛，结果一直被视为大热的28号张天赋（MC）夺亚军。作为自由工作者，MC除了经常busking外，更会到不同餐厅担任驻唱歌手，有传餐厅更因MC知名度大增而加价。在IG、YouTube上都会看到MC表演的片段，他唔只唱广东歌了得，连英文歌、国语歌都驾驭到，好多网民都留言大赞，夺冠可谓实至名归。
唱歌获评判、网民激赞，但MC接受《香港01》记者访问时话自己未曾学过唱歌：“比赛完之后应该会揾返个老师增添唱歌技巧。（之后仲会唔会busking？）目前都比较忙，可能未有时间。”
《全民造星II》令MC由素人变成众人焦点，当中必定有得有失。最令MC感触的，必定是患病的爸爸在比赛期间离世，他曾接受《香港01》访问时亦忍不住眼湿湿：“最唔开心嘅系，会少咗好多时间陪佢（爸爸），因为要练习，或者可能已经好攰，会损失咗好多同佢相处嘅时间，特别系佢喺呢个咁艰难嘅时间，都未必可以陪到佢。（佢之前有冇鼓励你？）其实我爹哋好鼓励我，即使佢好辛苦佢都会同我讲佢搞得掂，多谢佢支持。”MC如今得亚军，相信必定是送给爸爸最好的礼物：“希望同已过身嘅daddy分享，我估佢一定收到，而家想去个旅行放松下。”
点击睇更多之前十强拉票活动靓相
点击睇更多MC IG靓相
+5