为新节目录影顺利食两次安眠药　苑琼丹：惊再食就暴毙家中

苑琼丹日前为香港开电视拍摄新节目《开工大吉77》，节目中更以她在电影《九品芝麻官》中经典角色“龟婆”造型上阵。“今次为咗节目效果，仲要出埋私伙衫，因为龟婆造型太经典，人人都认得，只要观众睇得开心就冇所谓。”

苑仔更明言，节目除推介香港开电视每周节目的精选外，还会邀请好友出山做主持，节目中更会透露不少娱圈事：“又唔系唔爆，系唔讲伤害性啦，因为以前讲边个边个咸猪手搞到满城风雨，唔好啦！今次同大家分享片场小秘闻，将不为人知一面讲比大家听，等有心人知多少少，有兴趣咪入行做我同事啰！”她也表示，现时工作要中港两边走。“而家科技先进，内地都可以Mark香港个期表，所以阻止唔到我努力工作㗎！”

不过节目开拍前，就发生了一个小意外。她说：“因为我实在太耐冇开早班，又好多嘢要记，又唔同对白，但系资讯性嘅嘢就要准确真实，所以谂谂下就决定要早啲瞓。点知瞓瞓下只狗就踩醒咗我，所以就食咗粒安眠药，跟住只狗又嘈醒我，我又起返身，又再食多粒安眠药。点知冇耐又热醒，我就唔敢再食啦。因为惊再食就变成出新闻系‘苑琼丹食过多安眠药暴毙家中’做咗头条，哈哈。”