【街坊财爷】苑琼丹大爆离开无线内幕　原来因受暗箭所伤？

苑琼丹（苑仔）2013年约满离开无线电视，结束超过十年的宾主关系，毅然北上发展拍剧，据悉当年苑仔受暗箭所伤，所以决意离开无线这个是非地。今日（6/9）苑仔现身将军澳电视城出席无线剧集《街坊财神》宣传造势活动，接受《香港01》访问时说：“当无咗个竞争就冇咗利益冲突，人哋就无机会去对付你，咁所我我咪离开啰，其实我个人做嘢就做嘢，唔钟意有其他嘢影响咗我做嘢嘅心态，我觉得空间唔系得一个，既然某啲空间用咁嘅态度去处理工作嘅时候，Sorry咁你哋玩埋佢，我唔钟意同大部分人去争嘢做，你得就得，唔得就算啰，有咩好争呢？”

阔别无线多年，再次踏足电视城，对苑仔来说又会是一番什么样的体会呢？苑仔直言踏入电视城觉得环境依旧，但富有人情味：“好似头先我叫咗杯柠檬茶，Canteen哥哥见到我问候我，然后仲帮我笃埋柠檬，平日都唔会帮人笃柠檬，今日佢就话帮我笃埋先，𠮶一下真系觉得好有爱。”

提到互联网发展迅速，观众可以在不同平台上收看高质影视节目作品，问到无线在节目制方面有什么地方需要改变？苑仔坦言：“首先我哋要求自己要与时代进步，唔好脱轨，千其唔好故步自封，唔好走返条旧路，好似早年有套《江湖大佬》都搞下金句作下诗，务求有一啲新嘅嘢带畀观众，其实我睇好多印度嘅戏，佢哋有好多好制作，拍到荷里活咁，所以我会不断吸收唔同嘅嘢去增值自己，有吸引先会有进步。”