【封神榜】亲解丧喊演出背后故事　苑琼丹：收到阿妈中风消息

苑琼丹（苑仔）今日（6/9）现身将军澳电视城出席无线剧集《街坊财神》宣传造势活动。苑仔曾参演过无数电视电影作品，其中在01年时所拍的无线重头剧集《封神榜》中饰演的殷十娘有精湛演出，被网友誉为“神级”之作。

提及当年精湛爆喊演出，原来背后隐藏着一个重大秘密，苑仔慢慢道出由来：“想当年呢部戏啱啱喺内地韶关开镜，拍咗一个星期，就收到消息我阿妈中风，当时谂住唔拍，我就即刻打电话返香港揾阿妈，同佢讲我唔拍喇返港，阿妈就话自己冇乜事，唔畀我返香港，仲叫我千其唔好辞演，于是我拍咗成个月后先返，到落机嘅时候，我阿妈竟然仲要嚟接我机，我自己都唔知道，妈咪嘅母爱真系好伟大。”

苑仔透露每逢拍摄情感戏份时，都会必定想起已故母亲，方便培养情绪：“其实以我宜家咁嘅年纪拍戏都唔会讲话失恋，通常都系讲啲仔女及家人，其实每想到家人嘅时候，都会触动到每一个人嘅情绪，当我演一个妈妈嘅时候，我就会想起自己嘅妈妈，生前点样养育自己，咁所以系好容易投入咗。”