【多图】简淑儿一年练成钢条身型　6嚿朱古力吓窒网民：减9%体脂

去年疑因经理人公司合约问题，被TVB掟入雪柜的“仙气女神”简淑儿（Jessica），在今年年中就宣布签约TVB成为“亲生女”，意味着已经“解冻”从雪柜走出来。不过近期最令网民惊讶的是，原本骄滴滴又可爱的简淑儿已经变成了爆肌的钢条型身型...

除戏剧方面有转变，原来她在身材上也踏出了重要一步，指的不是整容或是隆胸，而是减脂操肌。今日简淑儿更在IG上贴出自己一年前与一年后的身形对比图，可以明显的看到她由以前的“有少少肉地”变成钢条肌肉型。帖文中她说道：“目标系自己定比自己，定咗落嚟嘅目标，就要用最大嘅努力一步一步去完成。”真是十分励志。

简淑儿：做Gym有满足感

简淑儿接受《香港01》访问时就：“我一直都有做Gym，但真系坚‘的起’心肝做Gym应该就系半年前左右，脂肪比（体脂肪率）系由19%减到影相嘅时候10%。点解要操到咁Fit？因为想揾啲目标畀自己，同埋做运动嘅就系，你落几多苦功，你会有返几多成果，系一样好成正比嘅嘢，唔似工作或感情，你付出几多就有几多，但系做Gym就一定有，所以满足感真系好大。”

人生经历低潮期　做Gym治疗情伤

不过，令她决心操肌的原因并不是这么简单。在一年前，她同时在事业、家庭以及爱情上经历了低潮：“前𠮶排屋企人又唔系好舒服，要入院做手术，自己就意识到其实身体健康真系好紧要，就会开始做运动，做运动有少少成果就会开始想再见到见到多啲成果，畀自己嘅目标就会越嚟越大，就会一步一步去达成。再加上前𠮶排又冇拍拖啦，又啱啱撞正工作上个转捩点，消闲咗好多，有一排心情系有啲低落，之后去做Gym，同埋有时间吖嘛，一星期就操5-6日，做Gym嘅时候就会觉得自己真系做紧一啲改善自己嘅事，同埋做Gym真系会开心啲。”她表示，纵使大家未必会习惯现在的她，但做Gym对她的身心真的很重要。

简淑儿：节食减肥好易反弹，改变生活习惯先有效！

她分享了自己的减肥心得：“我之前试过唔食嘢减肥，真唔得㗎。因为唔食嘢会得个瘦字唔会有线条，同埋会好易反弹，因为冇可能成世唔食嘢，同埋个情绪会好低落。今次我就揾咗个方法畀自己，就系慢慢改变自己嘅生活习惯，一开始就食少啲零食，跟住就唔好食零食，或者揾啲健康啲嘅，同埋一日入面拣一餐食得清淡啲，第二个星期就两餐都清淡啲，再慢慢改变。我喺最Hardcore𠮶排，如果喺屋企食就真系餐餐都系蒸，我都会食零食，不过就拣健康啲坚果、米通之类。不过出街我就照食，一个星期一两餐放肆啲其实系唔会有影响。”

靓相：

三餐饮食餐单　简淑儿：用蒸煮先系最紧要

简淑儿：“教练话一开始做Gym同而家都会唔同，一开始做会下数多啲，不过就冇加重量，等动作熟咗之后就会慢慢加重啲，但系加重之后就会食返多啲，如果唔系就会冇力。饮食方面，而家三餐就系朝早食麦皮加奇亚籽，落少少蓝莓，再加一两只蛋；午餐就系鸡胸牛油果三文治，仲会加蕃茄仔同菜；晚餐通常都系蒸，蒸鸡胸、鱼或者豆腐、菜，食也嘢其实冇乜所谓，反而要用蒸煮先系紧要。”