【专访】简淑儿唔学前队友北上发展　全因一个原因觉得羞愧！

娱乐圈一个很现实的圈子，尤其当一个艺人，没机会做宣传，没机会做访问，很自然会被观众遗忘。“仙气女神”简淑儿（Jessica）去年底因经理人公司合约问题，即时被TVB掟入雪柜！不过，这个恶梦很快就结束，Jessica早前就带住有份演出的新剧《好日子》，宣布正式签约TVB做亲生女。
服装赞助：tout a coup
摄影：叶志明

“其实大家一直以嚟都见到我嘅发展都系比较拍剧多，自己都想建立返一个演员嘅形象，咁之前都有经理人公司倾过，最尾都觉得如果帮到自己事业嚟讲都系签TVB会适合啲。”的确，Jessica自在《爱．回家之八时入席》出演Elsa后弹起，被一众网民捧为新一代女神。她更先后出演《迷》、《平安谷之诡谷传说》、《大帅哥》和《救妻同学会》等等，演技备受关注！

未有计划加入星梦　Jessica暂停歌唱事业

至于有传曾是歌唱组合“少女标本”成员的她，有望加入星梦，做吴若希和菊梓乔的师妹一事，她就否认：“暂时会做演员多啲，其实之前出歌都系一年出一首，冇keep住训练，所以而家唱歌我都系会惊，对住镜头我都会有啲怯，做演员嚟讲自己会自在啲，我净系演好自己个角色，我系好享受，所以而家嚟讲我想将个重心放返去演戏。唱歌就真系出嚟做活动，暂时就未必会出歌。”

不羡慕前成员许雅婷北上　Jessica望专注香港市场

讲到“少女标本”，前成员袁紫侨（CoCo）和许雅婷（Kabby）早已转战内地发展，而Kabby更凭《倚天屠龙记2019》饰演“小昭”爆红，剧接剧拍唔停！问到会否羡慕她们，Jessica讲道：“有啲羞愧，我系有上过去interview，有见过一、两个导演，但系佢哋都系话需要啲国语好标准嘅演员，咁我系一个讲广东话都未系好标准，就唔系好适合内地个市场啰，暂时嚟讲，想专注返香港先，觉得自己喺呢度入行，自己入去个地方都未做得好，我凭咩去第二度发展呢？咁我想喺香港做好咗自己，等啲人识得简淑儿先，咁先再去第二度发展。”

每年必被翻旧帐　Jesscia笑称一失足成千古恨！

每年暑假，港姐竞选必定成为全城热话！而曾在2012年美国回流选港姐的Jessica，每年又会被翻出当时的“出事”的相片，被指整容。为澄清谣言，虽然多次为自己发声，但都无济于事：“我而家睇透咗，当呢个系一个赞美，因为监制见到我会问点解你越嚟越后生，但佢系冇近睇我啲鱼尾纹同眼纹，系好劲㗎！咁自己都已经睇化咗，要讲嘅都讲咗，要做嘅都做晒。而家唯有唔好太过在意，当系普通新闻。（一失足成千古恨？）系呀，所以真系唔好影啲丑影嘅相。（会唔会畀啲警惕啲准港姐？）冇得警惕，好多嘢唔系你自己控制得到，你唔知㗎嘛，影嘅时候唔知出嚟系咁嘅样。同埋要挑嘅话，点都会挑到啲唔靓嘅相，冇可能影10张相10张都靓，可能要系李嘉欣。”

点撃下图重温旧照！

爱情路上遇挫折　Jessica坦言不再相信承诺

有人讲过“每段爱情，都是劫后余生”，Jessica亦承认对爱情已死心：“而家嘅我已经唔信拍拖，已经唔相信承诺呢样嘢，因为好多都系随口讲吓就算，一齐又系散，做咩要咁辛苦，分开又咁伤心，所以唔好特别去追求，缘份要嚟就嚟，冇嘅话，逼就会分开，仲痛。（点解咁讲？）之后个男朋友一开始又话接受到我做呢行，但之后又介意，变咗好辛苦。（介意啲咩？）介意好多时间做紧嘢听唔到电话，佢就会怀疑，可能（拍摄）有啲亲密拖吓手揽吓，又会呷醋，其实你咁样即系逼紧我拣，好难受啰个感觉。嚟紧就希望……你真系接受得到先大家一齐了解大家。”

点撃下图睇更多靓相！