黄建东首拍旅游节目要食虫 同简淑儿跟肥妈佛山揾食
撰文: 冼燕珊
出版:更新:
“恶搞王”黄建东一向鬼主意多多的,早前因为二次创作陈伟霆手表广告而人气再度急升,入行八年更首次有机会拍摄旅游节目《识玩旅行团》,跟肥妈同简淑儿(Jessica)去佛山品尝美食。
黄建东第一次拍旅游节目好兴奋亦好重视,特别带备定之前拍“PPAP学广东话”嘅长衫同埋狼衫等戏服睇下用唔用得着,“结果套长衫好夹发明西樵大饼嘅官员𠮶段,而套狼衫就好夹去动物园用可以同啲动物打成一片,希望喺节目内骚啲黄建东扮鬼扮马嘅本色,令观众睇得开心啲。”
黄建东今次攞正牌跟肥妈同简淑儿去佛山周围品尝美食,除了重了3KG之外,更首次挑战食虫:“第一次食蚕虫煎饼,食嘅时候好惊自己会反胃呕返出嚟,点知原来好似虾干脆卜卜一啲都唔难入口。另外亦系第一次整西樵大饼同埋玩越野赛车,玩赛车时要辗过一些大泥洼非常刺激,玩完后连底裤都被泥水尽湿,不过令我返到香港好想快啲买车。”
另外,黄建东更第一次到水上乐园拍节目,他坦言自从选港男后都冇试过湿身拍节目,本身他想只穿泳裤豁出去,后来惊吓亲观众,所以决定穿回上衣收起腩肉,他还笑指拍档Jessica比他还密实,所以这个节目的玩水环节非常合家欢。
+7