陈百祥赞成警察“以暴止暴”　唔觉香港变得悲哀：撕裂就撕裂！

早前于社交网站流传一段长达约两分钟陈百祥（阿叻）发表撑警言论影片，片中的阿叻为一班警员送上奶茶慰问打气，并说：“如果我做警务署长好了，两个月前就开了真枪。”网友反应两极。

阿叻今晚（26/10）到将军澳电视广播城录影节目《善心满载仁爱堂》时，便就此事接受《香港01》访问：“𠮶日我探咗佢哋成两个钟头，媒体就喺里面拣咗个两句出嚟，咁我亦都唔介意，因为系我讲嘅，因为当啲暴徒暴力升级，去到不能容忍嘅时候，警察开枪保护自己系好正常，大家见到一大班人唔系示威，而系追住个警员将佢揿咗落地，用唔同嘅利器袭击个警员，好彩旁边有自己嘅伙记喺度，示威者转向个名警员施袭，警员为保护自己及同袍开一枪，仲好好眼界打中佢膊头，如果唔开枪，你哋觉得用咩方法可以制止到佢哋，佢哋升级嘅暴力，最终都要用暴力嚟去止暴，我唔觉得警察错。”

提到不少网民指出有示威者警员制服后仍遭暴力对待时，阿叻表示不同意：“边有睇到被制服后仲有打？我睇嘅画面就冇，我见到系制服后之后，被绑上胶带后带上警车，系佢哋反抗先再打，反抗制服唔到你，用返适当武力制服好合理，但如果捉到你之后，企喺度打就唔啱。” 

问“开枪论”是否鼓励警员开枪？阿叻直言：“我会鼓励到差人开枪咩，如果系就一早鼓励到差人开枪啦，我系警务署长、特首咩？如果要开枪就开咗好耐啦，而家就系香港警察过分克制，佢哋未到生死关头都唔开枪，所以我唔觉得佢哋过分。”他更有感而发：“朱经纬在执行职务时，用支警棍扫一扫到个人，都要令到佢一生长粮冇晒，仲要判坐监，咁样系合理咩？”问是否赞成成立独立调查委员会？他直言：“冇问题，唔系而家，成件事完咗先查。”至于会否觉得香港现今景况好悲哀，他说：“社会变成点大家都睇到，我觉得一啲都唔悲哀，撕裂就撕裂。”

点击下图观看录影情况：