【逃犯条例】陈百祥公开撑警向网友“挑机”：畏惧暴力就唔使生存

陈百祥（阿叻）和肥妈（Maria Cordero）今日（20/7）在金钟添马公园以司仪身份出席“守护香港行动”，公开支持警方执法。阿叻接受《香港01》访问时便指最近香港发生太多不快事，所以今日即使没有收钱都担任司仪：“点可以样样都计钱，做嘢系讲有冇良心。”又指掟砖、掷矛是暴徒行为，见到警察被欺凌非常心痛：“警方执法绝对正确，呢个系我睇法，如果冇警方，成个香港都乱晒。”

（点击影片，观看完整版访问）

问会否担心今日公开支持警方后，会被网民责骂？阿叻指自己不会怕亦会不理：“佢闹咪嚟呢个场地闹我啰，点解佢哋唔嚟呢个场地闹我，人哋闹我都系意见，意见可以接受，行动可以照旧。我呢一生人得一个字，就叫做唔知咩叫惊，亦都唔知咩叫畏惧，畏惧暴力你就唔使喺度生存，我未惊过。”

阿叻更希望与网民当面对质：“绝对希望你当面同我讲，道理愈辩愈明，我道理唔啱，我都希望你讲畀我听，我都未必一定全部啱晒，唔该你话畀我听，你个行为系点解，如果你可以说服到我，我接受。”

谈到老友谭咏麟、钟镇涛早前出席撑警活动后，惹起部份粉丝不满，更有人踩烂他们的唱片泄愤，阿叻便指这些只是鸡毛蒜皮的事：“曹操都有知心友，关公都有对头人，点会全世界钟意你，以前钟意张国荣嘅都唔会钟意谭咏麟。啲黑胶碟你买，你咪踩烂佢啰，对佢嚟讲一啲影响都冇。”又指自己不怕观众罢睇他的节目：“千祈唔好睇，多谢你，我唔需要你睇我节目，我都系咁生活落去。”