【黄心颖许志安】网民围插梁裕恒　陈百祥：唔识抽水咪自己跌落水

陈百祥（叻哥）今晚（25/4）出席在尖沙咀举行的《EYT好友会联欢晚宴》。《欢乐今宵》（Enjoy Yourself Tonight，简称EYT），是香港无线电视的长寿综艺节目，1967年11月20日首播，直至1994年10月停播，全盛时期一星期播足5晚现场直播，可以话系香港人的经典节目。叻哥表示今晚现身这个聚感触良多：“我系EYT捧出嚟，阿叻呢个名亦系EYT改出嚟，咁所以我嚟到呢度好似返到屋企咁。”

“安心”事件发生至今成个星期，但落选港男梁裕恒（Flow)在社交平台持续发表言论力撑黄心颖，还专家上身发表阴谋论，令事件不断发酵，被网民丧插借机抽水谷人气。叻哥直言：“呢个世界𠮶个都想抽水，但系你识唔识抽水咁解啫，唔识抽水咪自己跌落水啰，呢个世界边咁容易抽到水吖，全香港得一度抽水系啱嘅就系“马会”，抽咗啲水用嚟做慈善活动，个啲抽水就有用啦，全香港佢抽二十几亿水呀！”叻哥坦言男欢女爱全世界都会发生，事件发生到现在，只关他们4个人的事，只要他们处理得好，事情就会过去，明天就会有第二单新闻，不了了之。