【开心速递】刘丹感激无线多年栽培 永不言休：做到冇人要为止！
撰文： 吴子生
出版：更新：
刘丹（丹爷）今日（28/9）到中环出席“家+有晴”健康日活动。提到无线（TVB）处境喜剧《爱．回家之开心速递》首播至今，已经播出超过600集，有力打破丹爷之前参演过剧集《真情》记录，丹爷就话：“我哋之前宣布咗加到9百集，只差2百多集就打破纪录，我好有信心，相信应该冇问题。”
记者问是否年纪大愈多嘢做？丹爷笑言：“其实我后生嘅时候都好多嘢做，几日几夜都冇觉好瞓，但谂到会提高知名度，钱就会揾多咗，咁所以唔怕挨。”系人都知罗乐林与丹爷在众多无线长青树演员中，成为抢手货。丹爷直言：“其实无线都有好多抢手人嘅，可能你哋唔多觉啫，其实大家都会忙。”
丹爷非常感激无线多年的栽培及工作安排：“老实讲无线真系对我好好，几个长篇嘅处境喜剧都有我份，有《真情》及《香港八一》一路到而家，都好似冇停过。”问有否要求加片酬？丹爷笑言：“我哋唔讲呢啲嘅，不过咁多年都会有加嘅，最紧要做得开心，其实只要有嘢做我已经好开心好满足，啲人成日问我几时退休，我谂都唔谂，做到我冇人要嘅时候，我咪退休啦！”