刘丹忆演《四人归西》恐怖经历　当年愈拍愈心寒 ：心里有啲发麻

每逢农历七月“鬼节”，总会掀起翻睇灵异旧片热潮，当中经常被网友翻炒的，一定有刘丹（丹爷）有份演出、悬疑剧集《夜惊魂精华录》其中一个故事──《四人归西》。《香港01》记者便趁丹爷今日（23/8）在将军澳出席《爱．回家之开心速递》宣传活动，找他回忆一下当年的拍摄点滴。

提到当年拍摄禁忌，丹爷就话：“谂返起当年拍摄嘅时候，心里面有啲发麻，有啲打冷震嘅感觉，因为当时呢套剧嘅题材好新鲜，好少讲到打麻雀，𠮶阵时自己对打麻雀都唔系好认识，一路拍一路个感觉都好得人惊，但估唔到最后出到嚟个效果咁好，我哋剧组演员事前都有拜神，祈求拍摄顺利，当年收利市都系港币一蚊，自己都试过年初四拍瞓棺材戏，我都系咁拍，自己就百无禁忌嘅。”

丹爷虽然百无禁忌，但经常要出埠拍摄，曾经都遇过灵异事件：“记得好耐之前去马来西亚做嘢，当晚瞓到半夜，俾啲嘈杂声嘈醒，听到厕所传出嚟，于是起身去睇下，点知去到睇乜都冇，即刻闩埋个厕所门上床瞓，唯有安慰同自己讲唔紧要，冇事嘅，就咁过咗。”