【金宵大厦．专访】靓宝免试镜入厂即开工　李施嬅：佢识听Action

由陈山聪、李施嬅主演的TVB悬疑剧《金宵大厦》播出后，曲折离奇的剧情大获好评，更获网民大赞有潜质成为今年的神剧！剧集更带挈剧中一众主角人气急升，就连贯穿整部剧的黑猫──“靓宝”亦成为大家讨论的焦点。“靓宝”除了在戏外成功收服陈山聪，令他克服恐猫症，当日牠难得到访《香港01》，可爱的萌样即俘虏大批猫奴包围，而“靓宝”表现淡定沉稳，甚有大将之风！

“靓宝”深得剧中演员喜爱，李施嬅接受访问时亦大赞“靓宝”相当有灵性：“佢拍摄嘅时候得5个月大，但佢都识得听Action，识得做戏，你叫佢走位，示范一次就会识得行，所以我都觉得系一件几奇怪嘅事。虽然好多人都好惊同动物拍戏，但‘靓宝’系冇难度。”猫识得听Action？真是闻所未闻、见所未见，但当看到“靓宝”在剧中的表现以及牠的“真身”有别于一般猫的高傲性格，乖巧可爱，马上深信不疑。

“靓宝”两岁已为人父　全因一次意外

主人Melaine抱住淡定的“靓宝”介绍道：“其实佢系一只暹罗混英短嘅猫，原名叫Mavis，是一名男仔，今年两岁。佢比较动静皆宜，因为佢由细到大都同我两只狗一齐大，性格都好似狗。佢嘅嗜好就系黏着我，其实佢冇咩其他嗜好。佢比起我屋企嘅另外5只猫，比较冷静文静啲，俾人恰𠮶个嚟嘅，俾他老婆恰，仲有佢啲仔恰。（佢系爸爸？）其实系我们有一次唔小心，爸爸唔记得关门，喺佢绝育之前同我另一只缅因猫，唔小心生咗4只猫BB，1只女仔，3只男仔。但好不幸地，冇一只似佢，全部都似妈妈。佢又唔似一般爸爸，咁人性化，反而系妈妈照顾小朋友比较多，佢就好似一个打机嘅爸爸，终日沉沦打游机，完全唔理啲小朋友。”

点撃下图睇“靓宝”仔女！

黑猫是不祥之物？　主人：阿妈都有问系咪好恐怖

自古以来，有不少关于黑猫的传说和迷信。例如在英国和爱尔兰，牠们是吉祥的象征，代表著繁荣。然而在欧美国家，黑猫却被视为不吉祥。又有传说黑猫是阴间大门的守护者，在月黑风高的夜晚，更会勾魂夺魄……主人Melaine亦称：“初初屋企人都会问点解你会养黑猫？阿妈都会问系咪好恐怖？成日黑口累面，冇咩表情。可能黑猫给人感觉系神秘、诡异同做灵探等等，但其实佢同一般猫系一样。问到“靓宝”是否特别有灵性时，主人Melaine就笑称：“梗系唔会啦，佢同普通猫系一样，只不过佢睇到啲会飞嘅嘢会比较有兴趣，同普通猫嘅特性一样，冇咩特异功能。但系有一个好奇怪嘅现象就系佢太黑，我夜晚见净系见到佢对眼。”

“靓宝”靠靓样免试镜　一入厂即开工

问到“靓宝”拍剧前，有冇参与试镜环节，主人Melaine称：“冇呀。有朋友介绍，咁我就Send啲相畀佢，度下个Size畀佢。咁佢就话OK喇，你可以嚟试吓。（一入嚟就拍？）系呀。（事前有冇咩准备？）可能佢两个大嘅时候我已经会带佢出街，令佢比较沙胆，呢啲算唔算训练？都算嘅。（好多人都赞“靓宝”系天生演员。）我都觉得嘅，但如果再嚟一次，我都不知道佢情况系点，但𠮶阵佢已经好叻，喺我心目中已经系100分。

点撃下图睇更多拍摄花絮！

助“靓宝”发展演艺事业：佢嘅一生并唔系好多

剧集出街后，“靓宝”人气并不亚于其他演员，问到会否大力发展牠的演艺事业时，主人Melaine突然感触讲到：“有机会嘅话，我都会尽量畀佢喺镜头前面，因为对我嚟讲，有冇酬劳都冇所谓。因为拍佢嘅每一样嘢都系一个记录，系一个记念。因为佢哋一生并唔系好多，可能突然会（感染）猫瘟，所以会很珍惜每一段时间。嚟紧我都会有小朋友，所以都好想佢同小朋友，喺有生之年，都会教导小朋友如何去爱护小动物。”

最后，主人Melaine亦感谢剧组：“其实都系大家嘅努力，先有呢部剧嘅成果。冇佢哋，都唔会拍得我个仔咁靓。另外，我都好想多谢观众嘅支持，我都唔会有会有动力企出嚟同大家讲黑猫唔系唔吉祥嘅嘢，同埋我哋都要支持领养绝不弃养。”

点撃下图更多“靓宝”写真！