【金宵大厦】黑猫“靓宝”演技俘虏观众　可爱背后主人揭悲惨身世

由陈山聪、李施嬅及张曦雯等主演的奇幻剧《金宵大厦》正在热播，充满悬疑的剧情吸引不少人追看。除了剧中演员得到不少关注，在“金宵大厦”所养的黑猫“靓宝”同样成为焦点！然而，“靓宝”在成为明星猫之前亦有段悲惨身世……

古书记载黑猫为镇宅、辟邪、招财之物，在英国和日本等地都十分受欢迎。但亦有传言认为黑猫是“不祥”和“阴森”，令普遍人都不愿意领养黑猫。而“靓宝”的主人Melaine接受《香港01》访问时亦讲到“靓宝”身世，她称：“‘靓宝’真名叫Mavis系男仔，今年2岁。当时就有一个纯种猫繁育者将一只英国短毛猫嘅爸爸同暹罗嘅妈妈唔小心错配咗，几只猫BB连阿妈都唔要，就揾人收养。生出嚟全部都系银灰色，得佢冇人领养，咁我好钟意黑色，所以就养咗佢。”

Melaine本身有养狗，而对猫的好感不大。但当第一次与Mavis接触后，就成功被他俘虏：“佢好乖又好嗲，但接佢返嚟之后，因为佢妈妈都感染咗猫瘟，喂唔到奶，佢都好瘦。隔咗一个礼拜之后，佢仲开始出癣，会传染人。所以我只手同肚全部都有生癣。医生就开咗啲药畀Mavis，但啲药有毒性，咁我自己都做宠物呢行，所以都用咗好多方法医佢，𠮶种每2个钟就要喂佢食营养剂，𠮶阵都好辛苦。”

在Mavis7个月大时，Melaine经朋友介绍下首次为Mavis接拍《金宵大厦》的演出，虽然之前零经验，但Mavis的表现令人讶异：“佢当时6至7个月大，我都冇谂过佢会识做戏，导演𠮶阵问Mavis可唔可以走位同行一个路线，咁我就铺咗条食物路，跟住佢沿住啲食物行咗一次，Roll机嘅时候竟然识行多次，仲有行楼梯嘅Shot都唔知点解佢会识。其实拍摄都几辛苦，又热又高，但佢都做得好好。（觉唔觉佢系天生演员？）我又唔觉得佢系天生演员，但佢就好乖好合作，𠮶阵佢仲系BB所以都冇谂佢会咁合作。”Mavis的演技更获男女主角陈山聪和李施嬅大赞。

陈山聪一向怕猫，Melaine称山聪第一次见Mavis完成不敢抱：“佢见完几次Mavis之后，可能见佢都任人抱又冇脾气，好听话直情成只狗咁。山聪就开始踏出第一步抱猫，仲主动话要同Mavis合照。”而山聪接受访问时亦讲过当见到“靓宝”几次后，就不觉得猫恐怖，又大赞Mavis相可爱，十足BB一样。

点撃下图睇更多“靓宝”超可爱写真！