王贻兴孖刘翁揾素人拍《摇滚校园》　暂时唔拍暗黑剧：要清涩！

王贻兴今日（6/9）为香港开电视节目《男士堂》录影，今次更是与黄心美一同主持，组合十分新鲜。他接受《香港01》访问介绍节目内容：“个节目系讲男士兴趣，例如买咗个仓放Figures，又或者有人钟意皮革嘢，整畀啲朋友，甚至卖埋畀外国人。”他也表示周日晚10点半（8/9）就是首播，十分期待。

谈到近况，王贻兴就表示除《男士堂》外，还忙于新剧集拍摄筹备的工作。他说：“近排啱啱完成咗《黑市》电视剧煞科，而家忙紧下一套剧嘅前期，拍完之后12月就有一个大型青春歌舞剧。呢排就忙紧Casting，因为要揾女主角，而且唔单止电视剧，仲有舞台剧同一啲周边事情发生，成个Project会好令人兴奋。”他还表示对电视剧《黑市》充满期待：“呢个都算系香港电视尺度上几破格嘅，而家就畀紧QC方面嘅朋友睇紧，希望唔会剪走太多。”

说起筹备当中的青春歌舞剧《摇滚校园》，王贻兴今次除公开招募女主角外，还邀请了ViuTV的男子组合MIRROR粉墨登场。他说：“其实我同刘翁都好钟意做一啲人哋唔做，但系我哋成长嘅时候启蒙到我哋好多嘅回忆，其实青春歌舞剧都系香港入面好好嘅电视剧品种，但系而家已经冇人再做，所以我同刘翁谂谂下，既然拍咗咁耐Dark Side嘢，又不如试下呢啲，睇下观众接唔接受到。”

为什么会找MIRROR合作？他回答说，其实也是经由花姐“搭路”：“事缘上次拍《黑市》嘅时候，MIRROR嘅成员就嚟拍，花姐就嚟探班就见到我哋两个好有心机咁（指）导佢啲仔仔，佢哋都学到好多嘢，然后花姐就问我哋：‘敢唔敢同我合作下，畀集MIRROR佢哋拍？’”花姐会不会“落场”？他笑说：“哗……我谂排下队先啦，其实好多人排队嚟客串。”更形容“花姐”是秘密武器，要留待第二季压轴登场。

那么，又为何会想为新剧《摇滚校园》招募素人女主角？他解释说：“因为而家嘅演员，你见惯见熟嘅时候，就会对佢冇Fantasy。”他又以台湾“九把刀”的电影作例子，都是喜爱起用新演员。“点解好睇？因为基本都系用素人做演员，真系好清涩、好年轻后生嘅感觉唔系完全可以靠演技弥补。”他透露，下个星期将会开始试镜：“而家IG成日畀人疯狂轰炸Send打鼓、弹结他片畀我，全部都系11，12岁，问我可唔可以去Casting。”更笑说很多少女都为了看偶像MIRROR而扮识夹Band，希望趁Casting当天能找到真正懂得夹Band的素人。

绝密《黑市》剧照：