【阳关道】本土制港剧成功登陆Netflix　惊悚血腥肢解㓥尸大放送

Netflix近年大手购入港产电影以至亚洲电影，继早前港产剧集《反黑》进驻Netflix之后，另一套港剧《阳关道》将于12月22日在Netflix面世，成为第二套冲出香港的剧集。据知，《阳关道》的故事是以香港三大奇案（纸盒藏尸、伊利沙伯大厦花槽双尸案和淘大花园无尸谋杀案）作为蓝本，王贻兴接受《香港01》访问时兴奋的说：“Nobody都可以畀Netflix拣到，我觉得系一个光荣同开心嘅事！”

对于《阳关道》能登上Netflix平台并于全世界播放，王贻兴接受《香港01》访问时表示：“有一种美梦成真嘅感觉，因为大家咁钟意睇Netflix，又睇咗咁耐。拍剧嘅时候都会幻想，如果有一日我嘅剧喺Netflix上就好啦。当然都唔敢去谂，因为太遥远。估唔到今次成本唔高嘅原创电视剧，Nobody都可以畀Netflix拣到，成为《反黑》之后第二套香港电视剧喺全球上架，我觉得系一个光荣同开心嘅事，人生愿望嘅Checklist终于完成咗一样！”

宁愿放弃香港电视台上架，也不愿删剪或打格

虽然《阳关道》在12月份才在Netflix上架，但其实该剧早于8月份就在“马来西亚Astro”播放。王贻兴：“佢系马来西亚电视台Astro投资嘅，但毕竟佢始终系香港原创电视剧，一定会有个情意结想喺香港播。𠮶时都有联络香港电视台问下佢哋想唔想买，不过佢哋睇完片之后话香港而家尺度或者镜头都可以要删剪或者打格仔先出到街，基于呢个原因，个作品可以会变得支离破碎，所以我哋最后都冇咁做，宁愿等个更好嘅机会。”

剧集著重的是意识上大胆

其实除马来西亚之外，新加坡和其他地方亦已成功卖埠，说到底，其实《阳关道》是否因为画面过于血腥惊悚才未能完整地在香港播放？王贻兴回答说：“唔系画面上追求嘅官能刺激，而系意识上嘅大胆同恐怖，呢样反而系我哋最著重嘅，唔系为咗要用几多加仑嘅血，因为呢啲系冇意义。对于一个故事，如果唔系必须要嘅，其实几多恐怖场面都系多余。我谂啲人睇试片或者买片嘅时候，佢哋唔系因为画面上嘅血腥，而系因为意识上嘅大胆。”

重现㓥尸过程

王贻兴续说：“无论系纸盒藏尸、伊利沙伯大厦花槽双尸案和淘大花园无尸谋杀案，都尽量用我哋方法喺画面上还原个做法，甚至系㓥尸过程，点样消除血渍或者点样毁尸灭迹等等，都有过程披露呢种令人毛骨悚然嘅嘢。”虽然王贻兴称《阳关道》只有必须的恐怖画面，但说到底此剧是以7，80年代三大奇案做蓝本，内容自然涉及肢解、杀人和㓥尸等血腥场面，其实以港剧来说，实属是难得一见的惊悚题材。

精彩剧照：

演员剧照：