撑“反修例”被取消出席上海时装周　阮民安：绝对唔会后悔！

阮文安（Tommy）周三（28日）出席电影《曳曳同学会》的首映礼，他日前在个人社交媒体发布了一篇以《我很穷，我爱人民币，但我更爱香港》为题的长文，网民纷纷留言致谢，对此Tommy说：“好多谢大家 ，其实我同大家讲呢件事，大家唔使去多谢我，因为我呢啲少少嘅牺牲或者损失其实微不足道， 对于为咗香港未来努力嘅年轻人，呢啲唔算系乜嘢。”

Tommy撑反修例　出席上海时装周被取消

Tommy近来不断就反对《逃犯条例》修订而发声，刚开始投资个人时装品牌本来打算面向国际，却因此失去内地这个宠大的市场；Tommy和老婆Eva的工作亦因而受到影响：“ 除咗牌子嘅发布计划，本身听日要同太太去上海做嘢，我哋出席咗呢个时装周四年，而家被取消咗；但我觉得唔紧要，纵使有啲好实在嘅东西失去咗，但如果我能够企喺香港人嘅一边同大家打气，就绝对唔会后悔！”

不为五斗米折腰：我宁愿同香港人一齐挨！

说到有些艺人在这风雨飘摇的时刻，选择中国市场而去当护旗手的时候，Tommy则说：“每人都有每人嘅选择，佢可能会以为而家拣咗钱而去做护旗手，或者系叫做跪低表态。可能今日会得到一啲既得利益，但你唔会知道之后会发生咩事。香港始终系我哋嘅根， 我唔想有一日表态爱国之后飞黄腾达， 但系我返嚟面对唔到任何一个香港人，咁我宁愿同香港人一齐挨。佢哋嘅选择系佢哋嘅事，我选择同香港人一齐打拼。”

在教育小朋友方面，Tommy希望灌输儿子香港人的身份认同：“如果有一日我个仔返嚟用普通话同我打招呼我会好嬲， 香港人嚟㗎嘛，要睇多啲周星驰！我而家用咗个身教嘅形式去支持一班为香港未来努力嘅哥哥姐姐，同囝囝讲大个咗要多谢佢哋，纵使最后成功与否，都要知道佢哋为你哋付出过！”