阮民安被指博见报 深夜发文指无惧失去内地市场：一定喺鸡蛋呢边
香港特区政府因为拟修订《逃犯条例》而引起广大市民不满，引发了连串的“反修例运动”，包括大型游行、示威和抗议行动等，更多次导致严重警民冲突，示威者向政府提出了五大诉求，不过特首至今一直没有明确回应。
这段非常时期，艺人阮民安（Tommy）都有在facebook和IG上发声表态，更多次参与游行，拒绝做“键盘战士”，立场鲜明。早前他又上载了用右遮眼的照片响应“Eye for Hong Kong”，抗议警察滥暴，导致一名少女疑被警察用布袋弹射爆眼。上周五（23/8）他也有现身旺角，参与“香港之路”，与市民一起在街上筑起人链。
深夜发千字长文反击“抽水”指控 不怕失去内地市场
Tommy绝对是身体力行去支持这场抗争，他甚至网红太太Eva因此成为内地网民追击目标，在微博上屡被留言攻击，斥责他们是“港独”的支持者，扬言要抵制他们。Tommy还被网民质疑他想借支持抗争来博翻身博上位博见报提升人气，指他不过是在抽水。周一晚（26/8）深夜，他就此于个人FB专页发表千字长文，剖白自己的想法和感受，以〈我很穷，我爱人民币，但我更爱香港〉为题，反击上述指控，明言无惧遭受打压以及失去内地市场，强调鸡蛋与高墙，他一定是站在鸡蛋那一方。
〈我很穷，我爱人民币，但我更爱香港〉原文如下：
呢个po会有点长，图有点多，希望可以阻大家少少时间，认真睇晒佢！
由我开始俾大家关注到我支持今次呢个抗争运动之后，大家都对我好好，但亦都有一个声音就系：“佢梗系想靠呢次博翻身啦，佢都无野输，有咩所谓，佢连揾大陆钱嘅资格都无呀！”
咁我觉得今次支持运动嘅重点，绝对唔会系放喺自己嘅感受呢个点度，所以我一路都无摆系心，继续发声，继续每一刻都关注，身体力行支持！
直至琴日终于发生变化，就系突然间有大班大陆网民不停Cap我Facebook图（可能呢篇文佢地都准备Cap，大家可以留言同佢地say个hi ）去我老婆Eva嘅微博，话我地支持港独，然后攻击佢，攻击我！
咁既然系咁，我不如就一次过喺度将我心底嘅想法，我预计嘅损失同大家分享一下！
自从2012年开始，我就已经担任住Eva经理人嘅角色，喺幕后为佢打点一切！呢7年入面我地由两个个体变成一家四口，一步一脚印，营营役役咁将我地嘅生意 利用互联网平台扩展到世界唔同嘅地方，包括 日本、台湾、新加坡、马来西亚、美国，当然唔少得中国大陆！
因为Eva喺微博有大概25万人follow佢，加埋佢嘅Style ，所以喺大陆一路都有好多工作，而喺大陆，我地嘅工作范围包括（想清楚ーD可以睇埋下面D相)帮唔同产品出po宣传，帮国际品牌官方影宣传相，Fashion Show，电视台嘉宾，拍综艺节目，品牌联乘等，只要我地继续好好咁做，唔好讲咁多野，净系靠呢D Job已经够我地一家四口过唔会太好但亦一定唔差嘅生活！
仲有一样嘢要讲就系：正正嚟紧嘅9月14号，我哋自己第一次投资，EVA嘅自家品牌就会喺东京Laforet正式发布，之后就会全世界发行，而最大嘅入货地区一定喺大陆，而我地喺大陆处理品牌发行嘅负责人，系一个大陆最大嘅时装公司高层（佢公司系带头将Undercover全国下架），我地喺大陆嘅Backup其实好好！
而因为我上年开始做返好多幕前工作，佢已经话要帮我安排上大陆嘅综艺节目，发展下，赚下钱！但就唔好喺件事上面表任何态啦，以一个大家认为想翻身嘅我，理应乖乖收声，甚至表态爱国！
但6月9号之后，见到香港人嘅团结，我已经忍唔住去开始公开表态支持(因为从来都系支持)，之后612、71、721等事件，直到今日呢个状态，您地估下我知唔知道高调发声后将会损失D咩？
我可能会失去一个庞大嘅大陆市场。咁点解我要咁做？可能系蠢...但其实，系良知！香港依家发生咁大件不公平不公义嘅事，要我为左赚钱而选择扮不见不闻，甚至跪低表态爱国，支持警察打香港人，做什么护旗手，对唔住，我做唔到！
当然对比起每一个手足受伤、牺牲、被捕，都系𠮶句，我呢D损失，算得咩！
我依然相信，香港地靠我哋自己都一定可以撑得翻起自己，点解一定要靠大陆我地先揾到食，先做到生意，先揾到钱？我唔认为系咁！
鸡蛋与高墙，我一定喺鸡蛋呢边！！！香港人加油！共勉之
点暂击下图逐格睇Tommy于FB poat嘅内地网民攻击言论：
以下仲有Tommy嘅fb post以及佢同佢太太Eva嘅相：