网民赞阮民安型过余文乐一百倍　Tommy：真香港人每个都咁靓

阮民安（Tommy）周五（23日）晚出席电影《白宫沦陷3天使沦陷》的首映礼，坦言到首映礼前在旺角参与了由市民发起的“香港之路”全港手牵手人链活动，以效法波罗的海抗争并希望唤起国际关注。在此之前，Tommy亦经常向反对《逃犯条例》修例的示威活动表示支持：“我自己亲身参与、亦都喺网上睇到好多，我见到呢几个月香港人嘅团结、力量同爱都返返晒嚟，有少少久违咗。可能有一段时间，大家都觉得香港人系自己顾自己、或者比较自私，而呢个运动令大家聚埋一齐，大家都想救呢个地方，其实我哋好爱呢个地方！喺到同大家讲多次香港人加油，我哋一定有机会打赢呢场仗。”对于现场有不少人认出自己，Tommy亦欢迎大家和他打招呼、聊天：“如果可以畀多啲正能量大家，我系无任欢迎，任何地方、任何时候都可以揾我倾计、影相。”

过去的星期日（18日）是Tommy老婆的生日，而他却选择了出席818民阵的维园集会，问到他后来怎么为太太补祝生日，Tommy就说：“我同太太其实之前𠮶个几星期都喺东京做嘢，每一日都带埋大仔一齐去唔同地方；我都有讲未必同到佢庆祝，818去集会佢都好明白嘅，因为对香港嚟讲系好重要嘅日子，佢都好支持，因为佢系我太太嚟㗎嘛！返到去好简单同佢食咗餐饭，就已经好满足。”

日前有网民在Tommy的个人社交媒体留言：“今时今日阮民安型过余文乐100倍！”更获得超过1万4千个赞好，对于网民的赞美，Tommy就回应：“我哋呢啲2002年已经喺呢个娱乐圈世界打滚浮沉，边句真边句假一时三刻唔会咁易动摇，我系唔会咁易信㗎！OK啦，总之香港人做返真香港人做嘅嘢，就每个人都咁靓！”