【机场集会】呼吁停止围堵机场　汪明荃：要顾及人哋享有嘅自由

8月12日有市民发起“警察还眼”行动，引致数万人在机场示威聚集，最终令机场在下午关闭。今日下午有香港团体“文化共融”发表声明，表示香港人应停止暴力，守护香港核心价值、互相尊重以及尊重法治精神，高志深、邝美云以及汪明荃（阿姐）等演艺人亦有联署。

汪阿姐呼吁停止围堵机场

今晚（15/8）汪明荃（阿姐）在无线电视城录影厂为综艺节目《娱乐大家》录影。对于近日香港机场的示威活动，阿姐接受《香港01》访问时，呼吁大家停止围堵机场：“示威活动到而家已经个几两个月，到后来唔知点解就有一啲暴力（事件）。我觉得时间已经好长，各行各业都受到影响。尤其是前几日喺机场（示威），已经系一件好严重嘅事。机场每日差唔多有成20万人，去旅游、探亲，或者睇医生。如果因为有咁多人去示威，又影响咗其他人，最后又有暴力，又加咗好多其他嘢，我觉得就系时候要停止。”

望大家用另一方法表达意见

阿姐续说：“我觉得年青人嘅声音，全香港、全世界都听到，但系都要静一静，思考一下。系咪应该继续咁样做？系咪对大家好呢？或者想争取嘅时候系咪要思考一下，揾一个方式大家倾吓了解，大家再解决问题。”

汪阿姐：表达意见同时也需顾及别人

年轻人应该用甚么途经示威或表达意见？她回答：“每个区或者大街小巷，佢哋都去到。政府容许嘅，佢哋都可以去。香港系靠唔同年龄唔同年代嘅人去建立。我都付出好多，喺香港居住咗几十年。每个人都有自由去表达，同时亦需要顾及人哋享有嘅自由。我觉得年轻人会明嘅，因为系读书人有学识有见解，你哋应该识点样去做。”阿姐亦表示，因为她属于文化界，发联合声明也是一个很自然的事。