【愤怒鸟2】男友撑场手拖手高调放闪　冯盈盈：佢带咗成廿个人嚟

冯盈盈周六（10日）出席《愤怒鸟大电影》首映礼。首次挑战配音的她便指为《愤怒鸟》配音尤为亲切：“呢个游戏系我由细玩到大，发梦都估唔到我可以为呢套电影配音，但原来呢项一啲都唔简单。”虽然冯盈盈平日形象甚有活力，但每次配完音回家都有体力耗尽的感觉：“绝对唔止用把声，要配到𠮶个神绪，个角色做咩就要跟住佢做，喺录音室跑、跳先会似。”

在《愤怒鸟大电影》中，吴业坤饰演的阿雄与冯盈盈饰演的阿银有不少对手戏，但原来电影配音是独立分开配的，所以在过程中没有看到坤哥的真人，但她甚是感谢这位配音前辈：“我听住佢配好咗嘅对白跟住配，然后发现佢把声好好听，带我投入感情。呢个前辈几好，无形中都畀到啲Guideline我。”二人在电影中有感情发展，冯盈盈说因为自己缺乏配音经验，所以难以入戏：“导演就畀咗个有用嘅贴士我，谂返起爱人就会易啲做到！”

冯盈盈男朋友“宝宝”今日亦到首映礼撑场，瞬间吸引所有媒体的目光；作为女朋友的冯盈盈当然甜到漏：“好多谢佢！其实佢自己都对呢套电影好有兴趣，加埋有我喺到就一定要嚟！佢啲朋友好多都有家庭、有小朋友，所以佢今日带咗成廿个人嚟撑场。”当记者问到什么时候到她和宝宝建立自己的家庭时，冯盈盈就说：“我觉得比较长远，因为我而家系屋企入面嘅小朋友，佢成日话我唔够成熟，比较有童真，起码到一日我畀大家感觉到成长咗，先开始谂呢样。我而家都好享受做屋企唯一一个小朋友。”