【逃犯条例】杨明称从来冇批评和平示威者：我心态同立场都好清晰

杨明今天（25日）出席由黎诺懿主持的综艺节目《懿想得到》的发布会，杨明直言这次能有幸当选这个节目嘉宾是一件很幸运的事：“其实我同诺懿都识咗冇19年都有18年，仲记得当年系同佢拍摄剧集《恋爱自由式》识佢，拍完之后又系同佢去马来西亚拍旅游节目，咁就一直做兄弟到依家。但当中好多年冇合作，所以事隔咁多年再合作真系好开心，今次又咁岩去返马来西亚。”

早前落选港男梁裕恒（Flow）在个人社交网站上贴出多张疑似TVB剧集《机场特警》台前幕后Whataspp群组对话截图，其中内容包括是疑似杨明在批评反对修订《逃犯条例》的示威者。这件事情发生至今杨明今天作出回应：“其实呢件事情对我唔系好大影响，系会有啲市民同网友会系我社交网站抨击我。咁我都想喺到讲声，其实我从来都冇评论过一啲和平嘅示威者，可能有啲人想断章取义，将标题同埋我所讲嘅嘢夹埋一齐。我重新一次，我闹嘅只系闹我上面条片，挖砖、闹记者、凶记者个啲人。咁明眼人都会知道我话紧边啲人，我心态同立场都好清晰，唔需要其他人硬塞一个立场畀我，我立场就系和平，反暴力就系咁简单，希望大家都平平安安最紧要。咁希望同事之间唔好搞咁多嘢出嚟，可能有好多人都有自己嘅目的同方向，但系唔好系一个咁混乱同社会有咁多问题嘅时间再做一啲问题出嚟，静一静会好啲。”

此事发生后，杨明并没有与Flow恩断义绝，他说：“始终大家都系剧组日见夜见咗4个月，一齐好辛苦拍完《机场特警》，都升华咗唔系同事咁简单，虽然呢个系我单方面咁讲。但我唔知道佢对我哋个Group嘅人当系朋友定同事，呢个不能够管束，但我仲当佢系朋友。”不过明显Flow是想借著这件事情搏上报，杨明表明是有少少失望：“我谂佢系有事想讲，但佢自己讲就冇乜人留意到，可能要揾啲嘢帮下手。但冇办法，各人有各人睇法同方向。”