【如果这样生活】杨明年少轻狂做错事　自认曾是垃圾希望改变！

TVB节目《如果这样生活》播出后反应不俗，最新一集就由曾经少年轻狂不懂珍惜机会的杨明，讲述自己以积极的态度面对自己的过错，认错改过，在谷底走过近十年之后，终于一步步走回正轨，不求什么，只愿能为人带来欢乐。同样是浪子回头，杨明去到台湾花莲探访一个曾犯下弥天大错的大哥，令他感触良多。

杨明曾经因为年少轻狂而犯下很多错事，试过醉驾、刑毁、悔婚，绯闻女友一个接一个，被TVB雪藏冇工开。他接受《香港01》时亦直认自己很贪玩，他表示：“细个纯粹贪玩，就咩都唔理觉得玩系最重要！而每一次出事都系因为饮酒，之后断片，跟住先会做出𠮶啲事出嚟。每一次醒返因为我都唔知……所以觉得自己好恐怖，同自己讲唔可以再发生，所以𠮶阵系贪玩，未到犯罪，咁我觉得之后经历事业上低谷，好多人帮我都鼓励我，演变到而家嘅杨明，所以想分享自己点样处理低谷，鼓励返啲人，以过来人身份帮返人。”

点撃下图睇更多图片！

而杨明透露这次旅程接触的台湾大哥曾在年轻时曾参与杀人事件：“佢后生嘅时候就同一班人一齐杀死咗一个人，佢就系帮凶，好多人打一个人点知打死咗。成班人合谋埋尸，埋尸𠮶一part佢就系负责揸车，所以判得冇咁重，判咗年几两年左右，之后佢好后悔，觉得好对唔住屋企人同埋做一件点都弥补唔到嘅错事，出返嚟就帮返啲可能会行错路嘅年青人走返条正路。”

经过此行，杨明表示：“其实我就一直都好贪玩，但我而家工作嘅时候就会揾啲好玩嘅地方，将自己好玩嘅性格摆喺工作上面，就算有时间都唔会选择饮酒，出去旅行同朋友倾吓倾，之前会谂自己想去玩，而家会谂屋企人，希望畀佢哋更加优质嘅生活。”他更指：“默默地做返好自己，希望觉得我系一旧垃圾嘅人会睇到我嘅改变！”

点撃下图睇更多！