MIRROR吸引过百粉丝撑场　姜涛表演时被队友撞伤眼︰我踩台企前咗

组合MIRROR周日（2日）出席防晒品牌举办的沙滩派对活动，虽然12缺一，成员江𤇹生（Anson Kong）未能出席活动，但仍吸引过百“镜粉”到场，有粉丝更在早上6时多就到场，风头超劲。11个男生都很喜欢出席户外的活动，卢瀚霆（Anson Lo）表示︰“户外活动好有夏天暑假开party嘅感觉，同埋热闹啲，同fans嘅距离会更加近。”今早天公造美，天气劲好，不过吕爵安（Edan）就话有粉丝因为抵受不住炎热的天气中暑，他说︰“我哋觉得好唔好意思，因为佢哋想嚟睇我哋，所以希望唔会有咁嘅事情发生，身体最紧要。”

MIRROR在台上又跳又唱，唱出他们的歌曲《一秒间》﹑《破镜》和《ASAP》，非常落力，令现场气氛再升温。不过未知是否太落力，表演时出了小意外，成员姜涛被Anson Lo不慎弄伤，左眼眼肚位置肿了一片，姜涛就解释︰“头先跳《一秒间》嘅时候，同Anson Lo有发生少少碰撞，应该系我踩台嘅时候冇按照原本彩排嘅位置，企前咗少少，所以𠮶一下有啲碰撞。（都见到肿咗㖞？）系啊，不过好彩跟住落嚟冇太多公开嘅活动，所以都有时间可以回复返。”

被问到他们平时爱不爱到沙滩玩，队中的肌肉担当王智德（Alton）和邱士缙（Stanley）都异口同声答YES！不过Alton就指今年出道后就比较少机会到沙滩玩，队长杨乐文（Lokman）就指︰“我哋上年都有得晒，喺邵氏出边晒啰。”说到一年前的夏天参加《全民造星》时的点滴，其实只是一年的时间，他们就由素人变成明星，他们都认为看到《全民造星II》的一班参加者勾起了他们上年的回忆，Lokman说︰“因为有啲参加者系我哋朋友，同佢哋倾偈，讲佢哋开始排舞有几辛苦﹑call几早收几夜啊，其实都谂返起我哋之前排舞好攰，但系上到台就要即刻sharp醒返𠮶啲经历即刻都浮现返出嚟！”陈卓贤（Ian）仲话上年的今日（6月2日）好似是第一日的开厂表演，看来MIRROR虽然做了师兄，但对上年的经历都记忆犹新呢！

点击下图观看更多图片︰