与Stanley“兄弟档”拍住上　姜涛为IG风波解画：我好惊有唔公平

组合MIRROR成员姜涛和邱士缙（Stanley）今日（15日）出席手袋品牌活动，Stanley就大爆自己曾送过手袋给女朋友，好sweet。而姜涛就表示自己不太熟悉名牌，不过之后都想送个手袋给妈妈，因为自己每年母亲节或妈妈生日都会送礼物给她，果然孝顺。今日同场的还有歌手张敬轩，轩仔曾经在公开活动向传媒赞过MIRROR，姜涛坦言有把握机会跟前辈聊天：“佢不嬲都好support我哋，其实就算好短嘅时间佢都会问候我哋，所以好多谢佢。”

近期姜涛和Stanley这个组合孖住出席活动的机会多了，二人坦言私底下好有默契，姜涛说：“其实我一直都觉得Stanley系好似一个大哥哥咁，即系我又唔会话好似好尊敬佢咁，好似Lokman（队长杨乐文）咁，Lokman有个威严，但系对佢，我就会成日同佢一齐搞怪。”Stanley补充：“系啊，我哋成日私底下跑嚟跑去，打打闹闹咁，头先都俾fans见到我冲过去捉住佢。我觉得系我哋唔知点解有个默契出现，可能公司就见到呢样嘢，就觉得我系哥哥，佢系细佬咁，就开始多咗咁样嘅组合出现。”

谈及近来姜涛的IG其实都出现了一场“小风波”，他为此解画：“其实我出道之前，比赛嘅时候有fans叫我follow佢，咁可能依家支持我嘅人多咗，就有啲声音话‘点解你follow佢唔follow我’，咁我就好惊有唔公平嘅现象，我有时又睇漏unfollow边个，咁就一次过清晒，方便啲，我唔会再特登话去拣边个fans unfollow返。”Stanley：“系啊，我可以证实佢，我哋全部11个男仔都俾佢unfollow，跟住再follow返。所以佢想公平，就净系follow返啲朋友或者前辈。”被问到姜涛会否为此事有点不快，他直言自己没有，反而担心粉丝们唔开心，姜糖们可以放心啦！