吴彦祖盲肠溃烂忍痛3日20小时冇小便 医生：等多日有机会冇命！
撰文： 黄欣华
出版：更新：
现年44岁的男神吴彦祖（Daniel）早前一身运动look作客组合廿四味主持的网上清谈节目《24/7TALK》，他一出场就自爆在今年3月时死过翻生，吓得众人呆一呆！
Daniel目前与太太Lisa S.和女儿定居美国加州，他讲道：“我上个月争少少就‘瓜’咗！有一晚食完饭瞓觉，半夜12点几突然之间醒咗系咁呕，以为食错嘢就等到第二日先睇医生，医生都以为食错嘢，就畀咗啲胃药同止呕药，食完药之后都可以食到少少嘢都饮返水，但都唔系几舒服。挨到星期六都仲系度痛紧……好‘乸’痛，个胃好似俾人踢春X咁样，每10分钟就踢一次！此时，陈子聪就笑言Daniel钟意玩SM，想不到Daniel即回：“有少少嘅。不过我真系未试过咁‘乸’痛。”
Daniel又讲道由于太太Lisa S.当时不在家，家中只有女儿和一名佣人所以没有知道他有几痛苦，经历完10几小时没有喝水和20几小时没有小便后，Daniel知道事态严重就通知其家姐求助，家姐赶到后就送他入院：“医生话我盲肠发炎，分分钟爆咗所以要即刻开刀！医生话通常发炎啲人一、两个钟就痛到顶唔顺，唔明点解你挨到3日。跟住就即刻开刀，但攞唔到条盲肠出嚟，因为其他肠胃全部都肿晒，如果攞条盲肠出嚟就有机会整穿其他啲位，就会好麻烦。”
点撃下图睇更多迷人靓相！
+7
最后，医生没有帮忙切盲肠，只是帮Daniel清洁以及要他吊足一星期消炎药，Daniel更称医生做了10多年的盲肠手术，从未见过如此严重的情况！前前后后，Daniel足足9日没有吃东西，瘦了15磅：“医生话再等多一日就有机会‘瓜’咗！”
Daniel更透露Lisa S.知道自己入院后，即揸车10几小时赶到医院：“佢闹爆我，因为同佢讲电话我都冇讲到咁犀利，冇同佢讲痛到阿妈都唔认得。”
点撃下图睇二人恩爱合照！
+2