【牛下女高音】因“安心”无限期停播　 吴岱融直认唔开心

吴岱融（Hugo）今日（27/4）出席在湾仔举行的“与民同乐嘉年华”开幕礼，以嘉宾身分站台大开金口献唱歌曲。Hugo透露拍剧至今日凌晨3点先收工：“唔系好够瞓，自己本身又唔系好舒服，希望一阵上台唱歌时唔好失声啦。”

无线剧集《牛下女高音》由香港电影金像奖最佳编剧龙文康一手打造。剧情讲述一班上了年纪的大叔，如何追寻梦想，故事结构颇有张力，希望透过剧集鼓励港人。不过因为“安心”事件爆出，令黄心颖形象插水，故无线决定将剧集无限期抽起。

有份参演《牛下》的吴岱融，谈到剧集停播时便说：“知道剧集出唔到街，心里面始终都会有啲唔开心，因为都会有啲失落，我哋每一个演员都好期待套剧拍完可以出街，因为呢套剧好励志，剧集讲我哋一班中佬去追寻梦想，我仲好记得阿King Sir（钟景辉）当时身体好唔舒服，都系顶住嚟拍，最后都完成咗呢部剧，一部咁励志嘅戏，希望多啲朋友去支持，可以让呢部剧同大家见面，希望大众唔好单方面专注发生事嘅朋友身上，唔好混淆两件事，而系多啲关照我哋呢一班为呢部电视剧付出努力嘅人，希望早啲可以出返街，并唔系因为佢哋呢啲事件，而导致禁播。”