【牛下女高音】54岁龚慈恩容颜不老有原因　同囡囡护肤方法有唔同

龚慈恩时隔22年再重回TVB拍剧，真系咩回忆都返晒嚟。想起对上一套龚慈恩的TVB剧，已经是1996年的《西游记》中的观音，虽然96年的时候还未流行甚么宅男女神，但当时的她就已经风靡万千。如果再细数青春少艾时龚慈恩，就更加不得了。

现年54岁的龚慈恩，虽然已经踏入“美魔女”行列，但仍旧保养得宜，与18岁女儿林恺铃合照时也丝毫不逊色，甚至乎仲有啲似两姐妹添。今日（5月18日）龚慈恩出席《牛下女高音》造型活动时，就分享了些护肤心得。龚慈恩说：“我觉得而家冇丑嘅人，只有懒嘅人。我觉得应该系唔同地方、唔同时间，对自己都有一个敏感度，点样调整。打个譬如，我去北京拍戏，我会用个加湿机，因为天气干；如果去东南亚拍戏，我就用啲芦荟，因为皮肤晒得多，佢可以消炎。同埋而家资讯咁发达就可以做下功课，但系唯一一样就唔可以盲从，要清楚自己今日要做啲咩，再做适当嘅护肤。”

龚慈恩笑说：“譬如囡囡偷我啲化妆品护肤品嚟用就唔系好啱用嘅。”龚慈恩解释到，不同年龄皮肤是需要不同的护理，就个例子来说，“敷mask”也是因应各种天气地方场方而用各种的“mask”。龚慈恩：“我自己唔会keep死用𠮶几只mask。而家呢个年代呢，我觉得都唔使用一啲好贵嘅产品，譬如夏天就应该著重多啲美白。”

其实对于mask的用量品种，原来“美魔女”龚慈恩都好有研究，不同环境场合，她也有不同的“mask”应对。“譬如我𠮶日晒完返嚟，我返到屋企会敷美白mask；如果我今日开全日工嘅话，我就敷好滋润嘅；甚至乎我系戏与戏之间有时间或者食lunch，我会喺眼袋位再敷返个eye mask。（一年计，用过有几多种mask？）都有20只，哈哈，其实我都几expert㗎啦。（大槪几钱？）平嘅$8一块贵啲嘅$100块都有。”所以话，做“美魔女”保养好皮肤，一啲都唔简单。