【牛下女高音】黄心颖马国明孖住去旅行：呢三个月拍剧好辛苦

无线《牛下女高音》一众演员吴岱融、蒋志光、钟景辉、黄心颖、张振朗、韦家雄等人出席今晚（1/9）在尖沙咀举行煞科宴。《牛下女高音》这套剧集，对黄心颖来说，是要投放感情比较多的一套戏。“当时我收到呢个剧本，我觉得喺上天畀我一个机会，因为King sir 做我爷爷，本身我一出世爷爷已经唔喺度，在戏中投放感情喺一定会伤痛，所以呢三个月都拍得几辛苦，会留喺屋企唔出街，尽量唔畀自己从角色中抽离，要保持戏中角色情绪。”

心颖拍剧辛苦咗成三个月，剧集终于煞科，可以同马国明放下假，去下旅行充电。“嚟紧我地都会去旅行，咁啱大家都有时间，地方就未定，其实我想去一啲我未去过嘅地方，去边度都冇所谓，只要我未去过就得，大城市，偏远嘅地方都可以。”

9月尾心颖又要去多伦多登台，唱歌揾真银。“今次会去成个星期，仲要唱12首歌有一个钟头咁耐，平时做其他活动都喺唱啲开心嘅歌，今次好难得可以拣啲惨情嘅歌曲唱，有广东有国语歌，当中有啲都未唱过，所以要花多啲时间去练，因为要记歌词，依家练紧谭咏麟首歌曲《雾之恋》，呢首歌我好钟意，好有意境。”