【后生仔倾吓偈】编剧出身系唔同啲 吴沚默将纯爱变为甜故
撰文： 邝钰莹
出版：更新：
大台节目《后生仔倾吓偈》愈做愈有，如果要数功臣的话，相信一定唔少得冯盈盈，本身有强烈黄色底子嘅佢，曾在节目中疯狂踩界，成功制造不少话题。
喺最新一集嘅《后生仔》中，FYY终于遇上非常啱嘴形嘅对手！事缘最新一集《后生仔》以“浸大学系与宿舍的另类特色”为题，并揾嚟编剧出身现为大台艺人嘅吴沚默(MoMo)做嘉宾，毕业于浸会电影电视系嘅MoMo与同校嘅后生女KOSA透露学生宿舍嘅单人房由于附有浴缸，所以唔少学生为求独占，都会争做宿舍导师。单人房、独立洗手间连浴缸，加上位于市中心，绝对系城中荀盘一个，连带使用者（即系宿舍导师）都特别抢手 ，而MoMo就话:“我两个男朋友都系宿舍导师。”不过佢就强调当时好怕羞，所以未有入过男入房间。
之后6号问到MoMo点被追到手时，整个对话过程就开始变得非常奇怪：“新校同旧校之间有个篮球场，所有男生都会喺呢个地方展现自己雄性魅力嘅地方，系咁射系咁射……”一听到个射时，FYY即时十分醒神，仲话啲男仔系咁射都几吓惊，估唔到MoMo之后再接一句“我有一次被佢射中咗。”虽然明知MoMo所指嘅系食波饼，但全场人即时笑到拍台，非常专业嘅FYY当然唔放过“黄色机会”，追问MoMo“被射中边度?”，对方一句“射中咗我块面”又一次令全场后生仔笑到失控，或者系因为见到大家咁好反应，所以MoMo都唔介意继续分享，透露之后因而请对方担任学生作品嘅男主角，“捧佢做男主角然后就潜规则咗佢”，但见到大家话题仍然系“射落块面”，都好无奈咁话：“点解讲出嚟会喺咁？明明好纯情。”做编剧出身，果然系可以轻易制造话题，叻！
+14
【后生仔倾吓偈】冯盈盈庆功宴掴医生男友 麦明诗食花生睇好戏【后生仔倾吓偈】冯盈盈嫌住低层问题多 “唔好再喺我头顶钻地”【后生仔倾吓偈】麦明诗主动追击哲学男 10A都竟然会失手？【后生仔倾吓偈】麦明诗当林秀怡透明？ 6号：佢都唔同我打招呼【后生仔倾吓偈】冯盈盈制造惊喜变闹交收场 被男友超毒舌伤尽心【后生仔倾吓偈】麦明诗自爆前男友出轨 苦笑避谈“𠮶一刻反应”