【后生仔倾吓偈】麦明诗主动追击哲学男　10A都竟然会失手？

自从回复单身之后，麦明诗不时都会喺《后生仔倾吓偈》公开自己嘅择偶条件：唔需要靓仔，最紧要系有学识，可以同佢倾到学术性嘅事，而喺佢眼中，读哲学嘅男生更系特别charming。而系最新一集节目当中，就揾嚟三位就修读哲学嘅男生做嘉宾。问到三位男生有否觉得读哲学是否特别charm，估唔到其中一位就竟然系话：“重点都系靓仔，靓仔可以凌驾你读嘅科目。”之后另一位更接力表示:“对于靓仔，6号就最识啦。”并指6号系其标准。

听完呢两位哲学男子嘅靓仔论之后，麦明诗都忍唔住话：“我以为读哲学嘅人好高崇。”之后三位哲学男被问到当理性遇上感性时会点处理，三位都不约面同咁话“其实都系感性行先”。最好笑系佢哋以男女朋友作为例子，指出虽然讨论过程中会有“到底乜嘢先系啱”、“点先为知啱”，但结论只有一个，就系“女朋友一定啱”。

节目尾声，6号问到三位哲学男嘅人生座右铭时，其中一位话系“诚”并以“因为你读哲学讲原因，其实都系想揾出真心真意喺边”作为解释后，麦明诗瞬即心心眼并大赞对方超charm，更表示“打动到我”兼追问对方“你对我有无真心真意”，似乎真系好冧冧猪，可惜嘅系三位哲学男都无乜反应，而当6号追问:“对哲学家来说，香港小姐系未特别charm？”麦明诗看似有所期待，但结果换来你眼望我眼嘅场面，三位哲学男粒声都唔出！好惨呀。