【后生仔倾吓偈】冯盈盈制造惊喜变闹交收场　被男友超毒舌伤尽心

最新一集《后生仔倾吓偈》以情人节为题，“港女”冯盈盈竟然认为唔庆祝情人节都可以，原因系男友宝宝身边有唔少爱情长跑人士，发现他们去到后期已不会再应该什么节目，而最好嘅礼物系陪伴。同女友出名感情好嘅6号听完就认为庆祝其实系尊重同心意，仲问FYY系未可以接受到两个人喺屋企睇电视，又笑言“可能到时全屋都系名牌”FYY就话名牌唔一定要有，并指“因为自己都有能力拥有，女人最紧要都系靠自己，唔应该靠男人施舍，我绝对唔会要求男友送，有的话系BONUS。”6号听完都话FYY完全系四重标重。
 

之后众人讲到情人节惊喜时，FYY就话自己唔会再制造惊喜，因为早年佢为同宝宝庆祝生日时，特意夹埋未来老爷呃宝宝，结果搞到宝宝有少少嬲。“之后大家都讨论过，因为俾过好多次惊喜但又失败，然后仲要闹过好多次交。”FYY仲话被宝宝指责过制造惊喜纯粹因为自我感觉良好。“佢话我想自己系个有心思的女友，但无喺佢角度出发，话‘呢啲嘢真系帮到我咩？你只系从你角度出发，觉得我会开心咩？但实际我系无开心啰。’”FYY话虽然有同宝宝强调系想佢开心，但宝宝结论都系一样“无啰，呢件事我系唔开心。”听完大家系未都觉得FYY好惨，６号仲加多脚话“系好hurt，但又好真。”
 

虽然宝宝话唔钟意“惊喜”，但情人节当晚，FYY IG Story就上载咗一后条由宝宝所拍嘅片段。影片中，电梯门一打开，FYY见到宝宝拎住花等自己似乎十分惊喜，更即时由呆滞变成冧样，并大叫宝宝嘅暱称，宝宝之后问FYY钟唔意钟意扎花时，FYY冧得更加严重，系咁点头示好……宝宝呢啲系未叫“有口话人无口话自己”呢?!

【周五心意运动】您捐一封$50利是，已可为基层送上温饱，01心意呼吁您支持【食德好】，每$50可为12个家庭提供一餐回收蔬果及食物：https://heart.hk01.com/zh/project/10003