【福尔摩师奶】烈爷竟成男同性恋界“天菜”　吴瑞庭：FB俾人轰炸

无线电视剧《福尔摩师奶》中，除了有很久不见的陈松伶姐姐（饰鲍姝娣／祖迪费查）、有破格演出的林韦辰（饰乔百川）之外，更有不少久未露面的金牌演员，其中饰演“码头帮会大佬”烈爷－吴瑞庭，就肯定是观众们最期待的一位。讲起吴瑞庭（瑞庭哥）近年的演艺生涯以至为何相隔27年才重回TVB的经历，就真的是“一匹布咁长”。（详细请按此：【救妻同学会】外闯27年做美指突回TVB 吴瑞庭：旧同事叫我返去）

虽则瑞庭哥“回巢”已久，不过真正让观众重新认识他的，可说是这部《福尔摩师奶》。剧中饰演船运及货仓老板兼码头帮会大佬“烈爷”的他，一出场可说是“霸业外露，不少网民都大赞他型格非常，中佬味甚浓。不过，最令人意想不到的是，他甚了深得女性欢心之外，原来在男性界别亦都甚为吃香。在日前（28日）《福尔摩师奶》的演员饭聚中，他接受《香港01》访问，除了表示多谢香港网民们对角色的喜爱之外，还对记者透露了，他在剧集播出被外地粉丝封为“天菜”一事。（注：根据网络上翻查所知，“天菜”即解作“极品，极其符合我的标准要找的人”。）

吴瑞庭：“台湾人叫我天菜，咁我问佢点解。原来系佢哋基界（男同性恋）嘅男神。（拍咗呢套剧之后？）系吖。一日之间，直头炸爆我个Facebook咁济。自从烈爷出咗街之后，Feedback都算OK嘅，而我Facebook呢，就一晚之间俾人轰炸，响到我都唔知点算。但系我就发展有好多唔同国籍，有鬼佬呢，有印度，有缅甸，印尼，我都奇怪，冇理由佢哋识听中文，系咪先？其中一个网友就留言畀我，佢话会叫佢所有朋友全部Add我。我自然就好开心，但系之后就响个不停。当中就有个外籍人仕，就Send Message畀我话：‘Sorry吖，我唔知你结咗婚，有小朋友，我系基嘅。’我谂一日之间Around有500至800个人Add我Facebook，大部份都系男性。”

睇瑞庭哥分享衣著心得：
【农历新年】50岁“型佬”吴瑞庭衣柜大公开：男人对鞋一定要企理

吴瑞庭续说：“如是这，每日都会有朋友同我Say Hello，讲早晨。冇形中自己就多咗个叫‘天菜’嘅朵。通常呢样嘢就系我廿几岁嘅时候发生，尤其是喺马来西亚拍戏𠮶时。（而家你都Keep住好好吖，不过你冇介意咩？）我完全冇介意同性朋友，因为喺身边我都好多呢类朋友，大家都好Close㗎。大家都好理解𠮶样嘢（吴瑞庭是直男），尤其是我未拍戏做时装嘅时候，所以（呢种情况）我都见怪不怪。”不过，他最后亦呼吁各位粉丝，尽量加他的Facebook粉丝专页，唔好再“炸”佢啦。