【福尔摩师奶】56岁林韦辰三十年如一日　全靠独门悭家冻龄秘方

曾是“亚视一哥”的林韦辰自2017年再次回归TVB后，陆续参与不少剧集演出，虽大多都是演配角为主，但凭他精湛的演技，都能让观众留下深刻印象。在新剧《福尔摩师奶》中，林韦辰饰演团防局局绅乔百川（乔局绅），虽然角色一如他以往的形象一样戴著眼镜看似文质彬彬，但实则城府颇深，耐人寻味，也让他成为目前网民推测最有可能是“开膛手”嫌疑人！

对于网民的推测，林韦辰接受《香港01》访问时笑言：“虽然乔局绅好似同以往嘅角色一样文质彬彬，但内心戏有啲唔同演绎。其实呢部戏每一个角色都好似有啲疑点喺度，令唔同嘅人会猜测唔同嘅人系开膛手，所以冇咩可以澄清，希望大家一路追看落去，究竟边个先系真正嘅开膛手！”至于近年自己大多演奸角为主，他就感激TVB给予机会：“公司会俾多啲唔同嘅角色我尝试吓，其实真系好啱我哋呢啲钟意做戏嘅人去尝试，好开心。”从演多年，林韦辰仍希望挑战多更难度角色：“我好愿意挑战，希望造型同外型分别大啲嘅角色。”

除了演技备受赞赏，现年56岁的林韦辰至今入行34年，身材样貌三十年如一日，更有网民形容“细细个睇佢已经系呢个样”，仿如吃了防腐剂一样，对此，林韦辰除了表示感谢，更大方分享自己的独门保护秘诀：“饮食上我会食得比较清淡，冇食肉类，多数食蔬菜类，曾经有5年我都系素食者，但后来做好多剧烈运动所以都有食返啲海产类嘅食物，油炸嘅嘢就少食啲。”

除了饮食上要注意，对于自己的皮肤林韦辰都不会松懈，他称：“我以前唔系好识，但有啲资深皮肤护理嘅朋友就教咗我好多皮肤护理的小技巧，譬如我哋化妆一定要好好清洁皮肤，化妆时用嘅粉扑唔好同人共用呀，洗面时嘅布最好系即弃，洗完一两次就唔用，咁就可以防止细菌滋生令皮肤过敏，保湿嘅工夫就一定要做。反而整容打针我个人就接受唔到，我觉得系自然老，你可以延缓佢，唔会话60、70岁都系20、30岁𠮶个样，始终打针𠮶啲唔系咁自然嘅嘢，做表情嘅可能会睇得出。”佢更称：“有一招我好钟意用，就系夏天我好钟意用一盆好冰好冰嘅水，成块面浸落去，令毛孔自然收缩，就唔洗啲化学收缩水！”

除了继续发展演艺事业，林韦辰就透露正在考虑做生意：“希望有机会做保健美容院，其实一路都有同呢方面有关人士接触开，所以如果有机会都希望可以参与呢方面嘅发展。”