【福尔摩师奶】陈滢演技未算完美只得75分　监制方骏钊：演得尴尬

《福尔摩师奶》踏入尾声最后5集，日前（23日）剧内一班演员，包括陈松伶、陈炜、陈滢、余德丞等以及监制方骏钊、编审翁善莹一同出席剧集的宣传活动。监制方骏钊接受《香港01》访问时，就透露了在最后5集主角们将会陆该被杀。他说：“最后5集会好多人死，好多主角都会死，边个死呢，就唔讲得住嘅。不过你哋可以睇下个片头，片头入面有一幕有个丧礼，个丧礼就剧透咗有边个主角会死，另外个死法都会慢慢揭，同埋最难估嘅系咩呢，最难估嘅系江嘉敏阿妈系边个杀，呢个系到25集先揭晓，但系揭晓出嚟个答案都好合理嘅，唔会觉得唔合理嘅。”

同时在访问中，他亦表示对陈滢（饰魏素嘉）这位新演员颇为满意。“佢嘅潜能上次就未发挥得好尽，今次就再度咗个更加深，更加Dark嘅角色畀佢做，希望佢试下，都比想像中好好多。因为上次只系同嫲嫲之间嘅感情戏，今次除咗亲情之外仲有爱情，仲有好深好深层次嘅演绎，内心戏做得非常之好。（客观咁评分，有几多分？）75分我觉得，已经好高分。Extreme嘅戏佢做得非常之好，相反地，冇乜嘢，比较平淡嘅戏佢做得唔好，有啲尴尬嘅感觉。（呢个角色系度身订做畀陈滢？）都算系㗎，靓得嚟有少少Cool，又Dark啲。其实我识咗佢好耐，都合作咗好多次，知道佢个人性格，表面睇好似唔Care，除咗靓之外好似冇乜内涵，其实唔系。佢真人系好Care自己工作，好Care自己事业，佢有一个好强嘅争胜心，所以觉得呢个角色可以畀佢试一试。”