泳儿新歌首尝新曲风 以“黑白”演绎MV：最大挑战系跳舞
撰文： 朱奕锦
出版：更新：
泳儿于15日推出今年首支派台作品《明日花》，歌名与“明日黄花”相呼应，以“明日”的花来描述遐想的纠结。今次在编曲方面用了奇幻感较重的调子，将一个沉醉於单向恋爱的故事，镀上一层扑朔迷离的虚幻感觉，这是泳儿首度尝试的曲式。
泳儿收到歌后，第一时间便是上网搜寻“明日花”：“我理解为‘你得唔到嘅嘢’，即系你以为听日会见到一朵花，但其实朵花寻日已经开咗。无论点样，你都唔会见到呢一样嘢。”这首歌充满幻想空间，泳儿说：“唔同嘅人听到会有唔同睇法，可以系一首情歌，好似对住一个幻想紧嘅对象，好想得到你但又得唔到，幻想已经认定你，同歌词‘灵魂未相认 一早记得是你’相契合；另一个角度系双面人，内外分别都有一个‘你’，有啲人可能好惊会畀人见到内在嘅自己。”
《明日花》的MV也带出上述概念，当中分别有一个白色、一个黑色的泳儿，代表着两种不同的性格，“黑色嘅泳儿系潜藏喺里面，有一啲诉求、有啲想得到嘅嘢，白色嘅泳儿就系相反。”除此之外，另一重点便是舞蹈，对泳儿来讲颇有难度：“最大挑战系跳舞，因为好耐都冇跳舞，仲要系跳contemporary嘅舞，每一个动作都要做得好靓，同埋加插咗一段要喺地上画画嘅舞蹈。其实大家都唔知道会系乜嘢效果，可能系一幅画咗出嚟唔可以再repeat嘅图画，好代表呢只歌，我自己都好钟意呢只歌嘅气质，希望大家都会钟意。”