【蒙面唱将】泳儿落泪透露曾因失声迷茫　古巨基：妳值得拥有更多

香港乐坛曾经有一啲唱功了得，被睇好系天王天后接班人嘅歌手，唔知点解总系欠少少机遇，少少运气未能再上一层楼，泳儿就系其中一人。最近佢参与内地音乐节目《蒙面唱将猜猜猜》第三季，获得猜评团一致好评，佢仲即场模仿邓丽君、孙燕姿同王菲嘅歌声，以唔同嘅发音方式充份展露出佢嘅嗓音天赋，巫启贤同钟镇涛都忍唔住大赞：“太厉害了！”

泳儿（Vincy）以“一枝花仙子”嘅身份参与《蒙面唱将猜猜猜》，喺上一集嘅节目入面佢呢个造型一出场，就俾被网民话系得罪造型师系列。新一集Vincy翻唱咗内地创作女歌手陈粒嘅《易燃易爆炸》。Vincy喺节目上大晒唱功，真假音转换游刃有余，把声一时温柔、一时厚实，刚柔并重。唱到高潮位时，爆发力极强，猜评团之一嘅古巨基话：“她的Live永远都这么好！”巫启贤亦大赞佢“变化莫测”；吴青峰直头话佢系“原唱摧毁机”，“让原唱的陈粒压力很大。”

Vincy感性分享，有一年时间失声令佢相当迷茫：“因为家里有事发生，压力很大，突然唱不了歌，就连说话也很辛苦。真的有想过放弃当歌手。但我真的非常喜欢唱歌，我想进尽很多不同的方法去医治自己的声带。就真的这么巧，今年刚好遇到这个节目之前，我的声音是刚刚愈合了，还可以在舞台上唱歌，所以我特别感动。”揭开面具后，Vincy话香港朋友对佢比较熟悉，喺街上见到都会同佢讲好钟意听佢嘅歌：“但是这个赞美在我失声的那一刻，对我来说是非常的心如刀割，因为我可能再没有办法唱歌了⋯⋯”之后仲忍唔住喊咗出嚟，“所以非常非常感谢这个舞台给我这个机会，让大家可以去认识我。”基仔亦有感而发，仲眼红红咁同Vincy讲：“你真的很好，很努力，你是值得拥有更多的机会。”场面感人。