泳儿亲自整狗颈围义卖　向毛孩承诺“相伴一生”

歌手泳儿（Vincy）日前喺自己社交网站上载咗一条短片，片中Vincy着住婚纱、带上戒指，她说：“最幸福嘅时刻，系挚爱的人为自己许下承诺，从今日开始，无论顺境或逆境，富有或贫穷，健康或疾病，我将永远爱、珍惜你，直到地老天长。”并承诺将永远爱牠，相伴一生，无错，泳儿许诺的对象，就是她的毛孩Batman同辣妹。

Vincy最近成立咗个人品牌“V got this”，品牌第一个炮就系慈善义卖“狗狗颈围”。今次Vincy自资制作咗一系列嘅狗狗颈围，目的系宣扬“Make a promise, love them a lifetime.”呢个message。Vincy话：“婚姻系一个一生一世嘅承诺；养宠物都一样，俾佢哋一辈子嘅承诺。希望带上呢个颈围就好似戴上结婚戒指一样，承诺照顾佢哋一辈子。”呢个狗狗颈围除咗可以喺SPCA Christmas catalog买到，亦都可以上“v.got.this”lG查询，所有嘅收益扣除成本后将捐给动物慈善机构。而今次首批限量版“make a promise狗狗慈善颈围”嘅收益将会捐俾SPCA。

唔讲唔知，原来啲狗狗颈围系Vincy亲手制作，佢话：“第一次整手作仔卖，拣料都系自己嚟，主要用料系Japanese Organza (日本柯根纱) 同埋Japanese Chiffon ribbon（日本雪纺纱带丝带）。都有俾唔同嘅狗仔试，希望佢哋带得舒服又靓。”

拍摄宣传片时，Vincy话最难系控制系自己两只狗仔，“Batman唔受控、辣妹要用嘢食引诱。其实拍摄𠮶日都有啲热，再加埋地面有热气，但系佢两只嘢好醒目，影相时时识得爬上婚纱抖凉。”除此之外，Vincy亦都多谢一班好朋友帮手，“我哋朝早七点就开始拍，因为要追日光，大家𠮶日都轮流变做狗保母。”佢仲话希望可以多啲司机肯接送啲狗，“因为𠮶日call车转location有啲难，好多司机见到狗狗就拧晒头。”