【乱世兄弟旅行团】古巨基森美去日本爆房　竟然勾起老婆生仔画面

“乱世兄弟古巨基 x 森美旅行团”日前（7日）播出第四集，今次佢哋两兄弟竟然走去爆房！其实系想带大家见识一吓日本嘅“Love Hotel”。森美仲大唱基仔嘅名曲《爆了》，仲封呢只歌做“爆房歌”。

基仔喺Love Hotel门前鬼鬼鼠鼠，惊俾人知佢哋两个去爆房，不过森美一于少理，“你唔同我爆同边个吖，唔通同老婆咩？有冇试过呀？”基仔即刻静咗，唔通……

今次基仔同森美特登揾咗日本旅游达人-YouTuber“猫猫TV”的主播阿猫带路。入到第一间“性态实验”房，基仔同森美即刻“哗”咗出嚟，竟然勾起森美嘅回忆，“产房嚟㗎㖞呢个！我认得佢呀！想当年我都生过小朋友。”系佢陪佢老婆入产生仔，仲即场示范点瞓上张床添！

森美见到张床对住块镜即刻好兴奋，仲跳上去“试床”，“因为我咁大个仔都未去过时钟酒店，佢哋成日话有镜，呢度真系有镜。”随后佢仲叫埋摄影师齐齐对住块镜“试床”。

之后佢哋去到另一间“地狱”主题房，房内摆满“玩具”，见到一个类似健身器械的设施，森美急不及待埋位玩，然后又扒喺马玩具上，被基仔用皮制板拍打；之后佢又见到一个“入钱唱K”的装置，然后拎起玩具“咪”大唱基仔的《爱与诚》，基仔见机不可失，即刻将森美手上的“咪”拍向佢下巴，搞到森美大声惨叫，森美笑住话：“大家可以嚟呢度唱番首歌，不过要揸稳支‘咪’，因为会‘郁’嘅。”基仔表示呢个唔啱佢玩：“我唔啱用呀，我有手汗，佢会震，会跣走呀。”𠮶支识震嘅咪其实咪就系按摩棒啰。

其他精彩画面：