麦明诗五国单车之旅顺利完成　潘梓锋感情升温：打破咗个隔膜！

10A港姐麦明诗（Louisa）、《东张西望》大只主持潘梓锋（Bryan）以及两位队友一同拍摄节目《单车游学团（暂名）》，全程以单车代步途经中国、越南、老挝、泰国及柬埔寨五个国家。日前，Bryan就宣布团队终于完成任务，成功于25日内踩足2千多公里，由香港去到柬埔寨探访当地小朋友。

Louisa和Bryan这次参与的跨国单车之旅力尽艰辛，Louisa除了踩到满脚都是瘀伤外，她更在旅程的第九天因下坡前轮碰到车辆导致炒车，以高速落地，导致盆骨左侧和下背软组织受创，肌肉拉伤，休息7天后才再踩单车，归队继续旅程。Bryan接受《香港01》访问时讲到Louisa受伤一事，他就讲道：“因为佢受伤𠮶阵就系我离佢最，我即刻过去救佢同帮佢。当然我觉得佢好勇敢好劲，一个女仔，我觉得佢系冇嘢做唔到㗎啦。亦都因为今次嘅意外，增加躖我同佢嘅感情，朋友之间同队友之间，都打破咗个隔膜，因为我哋之前都冇合作过，同埋唔熟，之后我哋成班人都越嚟越friend，好玩得，都好欣赏佢。”

Bryan更透露这个旅程简直是他职业生涯上的一大考验，他称：“呢个旅程喺我做嘢咁多年嚟最辛苦，呢廿几日直头系人生冇几何可以做到，因为体力好严重嘅考验，成个运动员咁。”讲到最难忘的过程，Bryan表示：“我未试过踩单车踩到中暑，但好彩最后都完成咗个山坡。另外，沿途见到好多小朋友，去咗好多学校探访，见到佢哋接受唔同嘅教育，喺冇选择嘅情况下都好努力读书，希望我哋可以带少少正能量畀佢哋，我自己都有好深嘅体验。”

至于新年愿望，Bryan就希望继续做好自己嘅工作：“除咗想继续做好《东张西望》同《3日2夜》之外，希望有其他节目可以拍，希望做好啲，市道又好啲，接多啲jobs揾多啲钱。同埋，希望节目出街嘅时候都会有多啲人留意到，我哋真系好认真去拍摄同埋我哋都好期待呢个节目，希望多啲小朋友有书读。”