麦明诗“揸车”远征柬埔寨？ 冯盈盈认错读：我有“语癌”！
撰文： 吴子生
出版：更新：
冯盈盈今日（14/1）以新春造型出席旺角举行的迎新春活动，更即席挥笔写挥春“旺到飞起”送给大会，寓意旺到飞起。农历新年将至，盈盈一家人都非常重视，每年都会陪妈咪一起办年货，今年亦不例外：“新年系一个非常传统嘅节日，每年都会行年宵应吓节，过年时我都会去拜神祈福，屋企就近有车公庙，都会买个风车，祈求新嘅一年有个更好嘅开始。”
盈盈续说：“入庙最重要祈求一嘅一年桃花旺，并唔系讲话系爱情方面有新嘅发展，而系人际关系好啲，始终作为艺人桃花对我哋嘅事业有帮助。”怕唔怕太多桃花有“桃花劫”？“我系新剧入面，有7个女主角陪住我，仲有琴日高Ling生日，陪佢吹蜡烛庆生日，每日有好多靓女陪住我，我谂‘宝宝’羡慕我呢只桃花多啲啰。”
新剧《极度怪咖》变女一？ 冯盈盈：就算系都系叫“女七分一”！
麦明诗日前踩单车出发，勇闯柬埔寨为慈善筹款出力，不时在社交媒体分享最新情况。盈盈表示：“一路都有留意佢嘅最新情况，会睇吓佢有乜嘢帮手。”有冇向你投诉好辛苦？“暂时未有，可能开始冇耐，其实知道佢每日都要专心揸车⋯⋯系踩单车好长时间。”乜系镜头后系揸车？盈盈慌张话：“冇呀，佢揸住架单车⋯⋯哎呀⋯佢系踩住架单车，我有语病呀，有‘语癌’，哈哈！”