麦明诗炒车受伤后继续跨国单车之旅　绯闻男友胡健燊加入同甘共苦

撰文： 洪晓璇
出版：更新：

今日已经系年三十团年夜，当人人忙住办年货同执屋迎猪年时，麦明诗（Louisa）今年逃过被亲友追问几时拍拖结婚生仔嘅命运，但唔好太羡慕，因为佢日日食紧风沙，为慈善进行单车长征，由中国出发踩到去柬埔寨。早前佢意外炒车拉伤大腿被逼停踩7日养伤，好在已经康复归队，呢日仲喺IG报喜终于去到柬埔寨啦﹗

Louisa、潘梓锋及队友们喺年三十已经进入旅程第20日啦﹗（麦明诗IG）
之前麦明诗炒车拉伤大腿，被逼停踩休养，好在无大碍。（麦明诗IG）

Louisa同《东张西望》大只主持潘梓锋以及两位队友，一同接受跨国踩单车挑战，途经中国、越南、老挝、泰国及柬埔寨五个国家嘅跨国单车之旅，为期28日一共踩2500公里﹗Louisa 喺1月20号单车之旅第9日已经意外拉伤，到30号先再次上单车继续旅程，而绯闻男友兼教练胡健燊仲专诚飞到当地，陪佢地一齐继续旅程，实在相当窝心。重新归队踏上旅程，估唔到Louisa就要面临重大挑战，Day 18先要踩17公里长上斜，攀七百几米高山路：“我地喺最后一丝阳光消失之前，到达到目的地。Team hug嘅时候我都忍唔住感动流泪，或者系辛苦得济喇！”

Louisa 绯闻男友兼教练胡健燊仲专诚飞到当地，陪佢地一齐继续旅程，实在相当窝心。（麦明诗IG）

麦明诗玩命式踩单车去柬埔寨 战友潘梓锋超佩服：要佢照顾我

佢地几位一齐上山下海历尽艰辛，呢份革命情感真系难能可贵。（麦明诗IG）

以为苦尽甘来点知Day 19更惨烈，中午高达34度高温下令全队人都相当辛苦：“突然间觉得头疼，有啲晕，想呕。好彩教练喺侧边，等我可以即刻停低，佢同Bryan即刻倒水落我到帮我降温。”踩足19日，Louisa坦言原来太阳先系佢地最大敌人：“之前就算几多山路、路程几远，我地都冇谂过放弃，今次我系第一次听到有队友想放弃，因为真系顶唔住个热力。呢个时候，教练由餐厅攞住一大袋冰出黎，帮我地每人整咗个冰袋放喺背脊到。哇真系好work，体温一降，feel到有啲体力番咗黎。”相信经过呢段旅程后，以后应该无嘢再难到佢地架啦，加油﹗

+10