苏施黄原来同黄心颖好老友　搞生日宴仲送埋蛋糕庆生？

撰文： 洪晓璇
出版：更新：

全世界有几十亿人口，人有相似真系唔出奇，不过艺人撞样机会率好似特别高，张敬轩之前揾到各行各业“失散兄弟”，阮兆祥同卢觅雪拍戏扮孖妹真系好难分得清，仲有林海峰同Rubber Band泥鯭，当然唔少得一入行已经被指同蔡一智撞样嘅黄心颖啦！

黄心颖同蔡一智一向被笑称系失散兄妹。（蔡一智微博）

苏施黄呢日喺微博上载多张照片，原来佢约埋一大班好朋友上佢屋企聚餐，有黄子华、古巨基夫妇、金燕玲等，见到佢地满台美食加上好多酒杯，睇嚟相当尽兴。佢哋仲顺便为3位一月寿星庆祝生日，不过其中一个蛋糕就引起网友注意。“Happy Birthday黄心颖”，心颖系就系1月生日，之前仲开校服Party庆祝29+1添，不过乜佢同古巨基甚至子华神咁Friend㗎咩？睇真啲，呢个明明系蔡一智嚟噃！

黄心颖30岁生日开校服派对 马国明超龄学生Look男主人身份现身

苏施黄呢日喺家中宴客，顺道帮一月寿星们庆生。（苏施黄微博）
阿智拎住呢个写上“Happy Birthday黄心颖”嘅生日蛋糕，笑得好开心㖞﹗（苏施黄微博）

其实黄心颖自港姐入行后，已经被指同蔡一智系失散兄妹，有网友更将二人照片拍埋一齐写住“妆前妆后”。2016年呢对兄妹仲被广告商相中，齐齐黑白配、发型七三分界兼一齐拨头发，骤眼睇真系连马国明都未必分得出呀﹗原来两个人都系一月寿星，蔡一智3号生日而黄心颖就系23号生日，唔知呢对兄妹又会唔会考虑以后一齐庆祝呢？

2016年佢地孖住拍洗头水广告，呢下拨头发真系非常经典。（蔡一智微博）
+3